شۆفێری ئەو ئۆتۆمبێلە دەستگیردەكرێت كە خۆی لە هاوڵاتییەك دەدات و هەڵدێت

- 7/30/2019 9:51:00 PM 32253 جار خوێندراوەتەوە

خەندان- 

بەڕێوەبەری پۆلیسی قەزای دەشتی هەولێر رایگەیاند،"هێزەكانیان توانیویانە شۆفێری ئەو ئۆتۆمبێلە دەستگیربكەن كە خۆی لە هاوڵاتییەك دەدات و هەڵدێت.

لە چەند رۆژی رابردودا گرتەیەكی ڤیدیۆیی بڵاوكرایەوە كە تیایدا شۆفێرێك لە هاوڵاتییەك دەدات و لە شوێنی روداوەكە دەڕوات، دواتر دەركەوت كە هاوڵاتییەكە ناوی (دڵشاد حمە صالح)ەو روداوەكە لە بنەسڵاوە رویداوە.
دوای بەدواداچونێکی چڕ توانیان ناسنامەی تۆمەتبارەكە ئاشکرا بکەن و لە ماوەی کەمتر لە شەش کاتژمێر دەستگیری بکەن

 

لەو بارەیەوە کاروان مامەند میرانی، بەڕێوەبەری پۆلیسی قەزای دەشتی هەولێر رایگەیاند،"کارمەندانی بنکەی پۆلیسی بنصلاوه بە هاوکاری برایانمان لە ئاسایشی هەولێر و پۆلیسی هاتوچۆی هەولێر دوای بەدواداچونێکی چڕ توانیان ناسنامەی تۆمەتبارەكە ئاشکرا بکەن و لە ماوەی کەمتر لە شەش کاتژمێر دەستگیری بکەن.

وتیشی،" لەئێستادا ئۆتۆمبێلەکە دەستی بەسەر داگیراوە و پەڕاوی لێکۆڵینەوەی بۆ كراوەتەوە و رەوانەی دادوەر كراوە.

 


نیشانەکردن :

#پۆليس

Copyright © 2016 Xendan.org all rights reserved

designed and developed by AVESTA GROUP