بەپەلە

حوسییەکان هێرشێکی خوێناوییان کردە سەر بازاڕێکی یەمەن

- 7/29/2019 11:01:00 PM 5011 جار خوێندراوەتەوە


خەندان-
ئێوارەی ئەمڕۆ حوسییەکانی یەمەن لەشاری سەعدە هێرشێکی خوێناوییان کردە سەر بازاڕێکی ئەو شارە و بەهۆیەوە 10 کەس کوژران.

بەپێی هەواڵێکی ئەلعەرەبییە، ئێوارەی ئەمرۆ دوشەممە حوسییەکان لەشاری سەعدە هێرشێکی خوێناوییان کردە سەر بازاڕێکی ئەو شارە و بەهۆیەوە 10 کەس کوژران کە ژمارەیەکیان ژن و منداڵن.

لەوبارەیەوە وتەبێژی هاوپەیمانێتی عەرەب بەسەرۆکایەتی سعودیە حوسییەکانی بەئەنجامدەری هێرشەکەی سەر بازاڕی (ئەل سابت) تۆمەتبارکرد و رایگەیاند ئەو کارە قێزەونانە هەر لەوان دەوەشێتەوە.
حوسییەکان عەشیرەتی ئەلسابتیان لەو شارە کردۆتە ئامانج

لەوبارەیەوە فەرماندە تورکی ئەلمالیکی بەرۆیتەرزی راگەیاندوە حوسییەکان عەشیرەتی ئەلسابتیان لەو شارە کردۆتە ئامانج و بەهۆیەوە 10 کەس کوژراون.

ئاماژەشی بەوەکرد ئەو عەشیرەتە دژی گروپی حوسییەکانن و ئەو هێرشە بەوهۆیەوە بوە.
کۆمەڵکوژییەکی مەترسیداریان ئەنجامداوە

لای خۆشییەوە، وەزارەتی زانیاری یەمەن هەواڵەکەی پشتڕاستکردەوە و رایگەیاند، حوسییەکان کۆمەڵکوژییەکی مەترسیداریان ئەنجامداوە.

نیشانەکردن :

#یه‌مه‌ن

Copyright © 2016 Xendan.org all rights reserved

designed and developed by AVESTA GROUP