بەپەلە

روسیا: کۆریای باکور بەلەمی راوچییەکانی ئازادکرد

- 7/28/2019 11:26:00 AM 1174 جار خوێندراوەتەوە

خەندان-
حکومەتی روسیا رایگەیاند کۆریای باکور بەلەمی راوچییە روسییەکانی ئازادکردوە. 

بە پێی هەواڵێکی ئاژانسی رۆیتەرز،  ئەمڕۆ یەکشەمە باڵیۆزێکی ڕوسیا رایگەیاند " پیۆنیانگ بەلەمی راوچییە روسییەکانی ئازاد کرد کە بەهۆی پێشێلکردنی یاساکانی تێپەڕاندنی سنورەوە دەستی بەسەردا گرتبو.

باڵیۆزی کۆریای باکوریش وتی لە 17 ی تەموزدا  تیمی بەلەمێکی ماسیگری روسی دەستگیرکردوە بە هۆی پێشێلکردنی یاساکانی تێپەڕاندنی سنور، تیمەکە 17 کەسن کە پێكهاتون لە 15  هاوڵاتی روسی و 2  هاوڵاتی کۆریا ی باشور، لە کاتێکدا ڕوسیا پێی وایە کە بەلەمەکە هیچ یاسایەکی پێشێل نەکردوە. 
دو هاوڵاتیەکەی کۆریای باشوریش ئازاد کراون

باڵیۆزەکە لە هەژماری فەرمی خۆی لەتۆڕی کۆمەڵایەتی فەیسبوک نوسیویەتی کە دو هاوڵاتیەکەی کۆریای باشوریش ئازاد کراون.

لای خۆشییەوە، وەزارەتی یەکگرتوەی کۆریای باشور بۆ پەیوەندیەکانی لەگەڵ کۆریای باکور جەختی لە ئازاد کرانی کەشتیەکە و دو هاوڵاتیەکەی کۆریای باشورکۆدەوە.

هاوکات، ئاژانسی هەواڵی ڕوسیا ڕایگەیاند بە پێی زانیاری ڕێنیشاندەر بەلەمەکە نەچوەتە ناو سنوری ئاوی ئەو وڵاتە و ئەو کارەی کۆریای باکور یاسایی نەبوە.

هەروەها ئاماژە بەوەشکراوە کە ڕوسیا نایەوێت هیچ لێدوانێک لە بارەی هاوکار بونی لەگەڵ کۆریای باشور لە کاری ماسیگرتندا هەتا ئەم کێشەیە چارەسەر نەکرێت.

نیشانەکردن :

#روسیا

Copyright © 2016 Xendan.org all rights reserved

designed and developed by AVESTA GROUP