وێنەی ئۆتۆمبێلی ئەنجامدەرانی هێرشەکەی هەولێر بڵاوکرایەوە

- 7/25/2019 5:58:00 PM 108740 جار خوێندراوەتەوە

خەندان-

ئەمرۆ سوپای تورکیا  "کوشتنی" دو کەسی راگەیاند، کە تۆمەتی ئەنجامدانی هێرشەکەی شاری هەولێریان درابوەپاڵ، کەمێک لەمەوبەر وێنەی دو ئۆتۆمبێل بڵاوکرایەوە کە گوایە"هێرشەکەیان پێ ئەنجامدراوە".

دەزگای میدیایی میدڵ ئیست ئای، لە هەواڵێکیدا کە باس لە کوشتنی ئەو  دو تۆمەتبارە دەکات لەلایەن سوپای تورکیا و دەزگای میتی تورکی، وێنەی ئەو دو ئۆتۆمبێلەی بڵاوکردوەتەوە.

بەگوێرەی هاوپێچی وێنەی راپۆرتی دەزگاکە، یەکێک لە  ئۆتۆمبێلەکان کە پێشبینی دەکرێت هی ئەنجامدەری کردەوەکە بوبێت رێکەوتی 18ی ئەم مانگە لەلایەن سوپای تورکیاوە بە ئامانج گیراوە، بەڵام ئاماژە بە شوێنی روداوەکە نەکراوە.


هاوکات وێنەی دوەم، کە ئۆتۆمبێڵێکی پیکاپ-ە و شوێنەواری ژمارەیەکی زۆر گولەی پێوەیە، بەگوێرەی هاوپێچی راپۆرتەکە هی ئەو کەسە بوە کە پلانی هێرشەکەی داناوە و دوێنێ 24/7 لە باتوفە لە زاخۆ بە ئامانج گیراوە.

PKK planner



Copyright © 2016 Xendan.org all rights reserved

designed and developed by AVESTA GROUP