"چیتر نەحەوێنرێنەوە و حیمایە و دیوەخانانەیان بۆ تەرخانبکرێت"
فراكسیۆنی گۆڕان داوای دەستیگركردنی جاش و موستەشارەکان دەکات

- 7/25/2019 5:52:00 PM 15766 جار خوێندراوەتەوە

خەندان-

ئەمڕۆ دو پەرلەمانتاری گۆڕان بە نوێنەرایەتی فراكسیۆنەكەیان سەردانی گۆڕی بەكۆمەڵی كوردانی ئەنفالكراویان كرد لە بیابانەكانی سەماوە و داوایانكرد قەرەبوی ماددی و مەعنەویی کەسوکاری ئەنفالکراوان بکرێتەوە، راشیانگەیاند، پێویستە حکومەتی هەرێم بەرپرسیارانی تاوانی گەورەی ئەنفال لەجاش و موستەشارەکانی سەردەمی رژێمی بەعس، کە فەرمانی گرتنیان بۆ دەرچوە، دەستگیربکات، نەک لەپەنای ئەم حزب و ئەو حزب بحەوێنرێنەوە و حیمایە و دیوەخانانەیان بۆ تەرخانبکرێت".كاوە محەمەد، ئەندامی پەرلەمانی عێراق لە فراكسیۆنی گۆڕان بە خەندان-ی راگەیاند،"ئەمڕۆ 2019/7/25 لەگەڵ پەرلەمانتار د.غالب محەمەد بە نوێنەرایەتیی فراکسیۆنی گۆڕان لەئەنجومەنی نوێنەرانی عێراق و بە یاوەری عادل الیاسری، جێگری پارێزگاری موسەنا (سەماوە) و تیمێکی پارێزگا، سەردانی گۆڕی بەکۆمەڵی کوردانی ئەنفالکراومان کرد لەناوچەی (شێخیە)ی بیابانەکانی سەماوە".
وەک نوێنەرانی خەڵکی کوردستان لەنزیکەوە چاودێری پرۆسەی هەڵدانەوەی گۆڕە بەکۆمەڵەکەمان كرد كە ژمارەیان نزیک بە (80) قوربانی دەبێت و هەمویان ژن و منداڵن

 

وتیشی،"وەک نوێنەرانی خەڵکی کوردستان لەنزیکەوە چاودێری پرۆسەی هەڵدانەوەی گۆڕە بەکۆمەڵەکە و ئامادەکارییەکانی گەڕاندنەوەی روفاتی قوربانییەکانمان کرد کە تا ئێستا ژمارەیان نزیک بە (80) قوربانی دەبێت و هەمویان ژن و منداڵن".

لەسەر گۆڕی بەکۆمەڵی کەسوکارەکانمان لەبیابانەکانی سەماوە، داوامانکرد بەشێوەیەکی ورد و پرۆفیشناڵانە کاری هەڵگرتنەوەی روفاتی قوربانییەکان بکرێت

 

كاوە محەمەد راشیگەیاند،"لەسەر گۆڕی بەکۆمەڵی کەسوکارەکانمان لەبیابانەکانی سەماوە، داوامانکرد"بەشێوەیەکی ورد و پرۆفیشناڵانە کاری هەڵگرتنەوەی روفاتی قوربانییەکان بکرێت و دواتریش بە رێورەسمی تایبەت و شایستە بە خوێنی شەهیدان، روفاتی پیرۆزیان بگەڕێنرێنەوە بۆ زێدی خۆیان لەکوردستان".

پێویستە حکومەتی فیدراڵی عێراق بە پێی یاسا بەرکارەکانی عێراق، قەرەبوی ماددی و مەعنەویی کەسوکاری ئەنفالکراوان بکاتەوە

 

وتیشی،"داوامانكرد شوێنی گۆڕە بەکۆمەڵەکان وەک بەڵگەی تاوانکارییە دڕندانەکانی رژێمی سەدام، بپارێزرێن و سەردانی وەفدی وڵاتان و باڵیۆزان و میدیاکارانیان بۆ رێکبخرێت".

ئەو پەرلەمانتارەی گۆڕان راشیگەیاند،"پێویستە حکومەتی فیدراڵی عێراق بە پێی یاسا بەرکارەکانی عێراق، قەرەبوی ماددی و مەعنەویی کەسوکاری ئەنفالکراوان بکاتەوە".

پێویستە حکومەتی هەرێم بەرپرسیارانی تاوانی گەورەی ئەنفال لەجاش و موستەشارەکانی سەردەمی رژێمی بەعس، کە فەرمانی گرتنیان بۆ دەرچوە، دەستگیریان بکات و بەسزای عادیلانەی خۆیان بگەیەنرێن

 

ئاماژەی بەوەشكرد كە "پێویستە حکومەتی هەرێم بەرپرسیارانی تاوانی گەورەی ئەنفال لەجاش و موستەشارەکانی سەردەمی رژێمی بەعس، کە فەرمانی گرتنیان بۆ دەرچوە، دەستگیریان بکات و بەسزای عادیلانەی خۆیان بگەیەنرێن، نەک چیتر لەپەنای ئەم حزب و ئەو حزب بحەوێنرێنەوە و حیمایە و دیوەخانانەیان بۆ تەرخانبکرێت".

 



Copyright © 2016 Xendan.org all rights reserved

designed and developed by AVESTA GROUP