بە ڤیدیۆ.. فیلێك هێرشدەكاتە سەر چەند گەشتیارێك

- 7/23/2019 1:23:00 PM 7773 جار خوێندراوەتەوە

خەندان-

لە تۆڕە كۆمەڵایەتیەكاندا، گرتەیەكی ڤیدیۆیی ساتی هێرشكردنی فیلێك بۆ سەر ئۆتۆمبێلی ژمارەیەك گەشتیار  بڵاوكراوەتەوە، كە تێیدا چەند جارێك خۆی دەكێشێت بە ئۆتۆمبێلەكەیاندا.

هەوڵدەدەن خۆیان لە هێرشی فیلێك رزگاربكەن

پێگەی رێدیت، گرتە ڤیدیۆی ئەو روداوەی بڵاوكردوەتەوە و ئاماژەی بەوەكردوە روداوەكە لە ناوچەیەكی باشوری ئەفریقا رویداوە، كە تێیدا ژمارەیەك گەشتیار لەناو ئۆتۆمبێلێكی جۆری جێپ-دا هەوڵدەدەن خۆیان لە هێرشی فیلێك دەربازبكەن.

لە گرتە ڤیدیۆییەكەدا دەردەكەوێت، پاش ئەوەی چەند جارێك ئەو ئاژەڵە خۆی دەكێشێت بە ئۆتۆمبێلی گەشتیارەكاندا، شۆفێرەكە هەوڵدەدەات بەرەودواوە ئۆتۆمبێلەكە لێبخوڕێت تا  خۆی دوربخاتەوە لە هێرشیفیلەكە.

شۆفێرەكە و سەرنشینەكان ئارامی خۆیان پاراستوە


ئەوەی بوەتە جێگەی سەرنجی بینەرانی ڤیدیۆكە ئەوەیە، شۆفێرەكە توانیویەتی هێمنی خۆی بپارێزێت تا ژیرانە مامەڵە لەگەڵ دۆخەكەدا بكات، هاوكات گەشتیارەكانی دیكەش بەهۆی ترسەوە هاوار و دەنگە دەگیان نەكردوە.


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP