دەبێت فەرمانبەران پابەندی دەوامی فەرمی بن
لە یەكێك لە وەزارەتەكان بەكارهێنانی مۆبایلی زیرەك قەدەغە دەكرێت

- 7/22/2019 11:47:00 PM 28065 جار خوێندراوەتەوە

حەندان-

دوای دەستبەكاربونی لە پۆستەكەی، وەزیری نوێی گواستنەوە و گەیاندنی حکومەتی هەرێمی کوردستان چەندین بڕیاری لەنێو وەزارەتەكەی دەركرد.

بەپێی نوسراوێك كە واژۆی، ئانۆ جەوهەر، وەزیری گواستنەوە و گەیاندن لە كابینەی نوێی حکومەتی هەرێمی کوردستانی بەسەرەوەیە و تایبەت بە وەزارەتەكەی دەریكردوە، دەبێت فەرمانبەران پابەندی دەوامی فەرمی بن كە لە 8ی بەیانی بۆ 3ی پاشنیوەڕۆیە.

پابەندبونی فەرمانبەران لەسەر مێزی كاركردنیان و بەڕێكردنی كاروباری هاوڵاتیان و تەواوكردنی سەرجەم ئەو مامەڵانەی دەچێتە بەردەستیان

 

لەبڕگەیەكی دیكەی فەرمانەكەدا، وەزیری گواستنەوە و گەیاندن فەرمانیداوە بە پابەندبونی فەرمانبەران لەسەر مێزی كاركردنیان و بەڕێكردنی كاروباری هاوڵاتیان و تەواوكردنی سەرجەم ئەو مامەڵانەی دەچێتە بەردەستیان.

دەبێت رێز لە خاوەن پێداویستیە تایبەتەكان بگیرێت و هاوكارییان بكرێت بەتایبەت شۆفێران لە كاتی گواستنەوەیاندا هاوكاریان بن

 

لە خاڵێكی دیكەی فەرمانەكانی وەزیری گواستنەوە و گەیاندن ئاماژە بەوەكراوە كە دەبێت رێز لە خاوەن پێداویستیە تایبەتەكان بگیرێت و هاوكارییان بكرێت بەتایبەت شۆفێران لە كاتی گواستنەوەیاندا هاوكاریان بن.

وەزیری گواستنەوە لە خاڵێكی دیكەی فەرمانەكەیدا، بەکارهێنانی مۆبایلی زیرەکی لە نێو وەزارەتەکە لە فەرمانبەران قەدەغەکردوە

 

وەزیری گواستنەوە لە خاڵێكی دیكەی فەرمانەكەیدا، بەکارهێنانی مۆبایلی زیرەکی لە نێو وەزارەتەکە لە فەرمانبەران قەدەغەکردوە، هەر فەرمانبەرێكیش پابەندی بڕیارەكە نەبێت رێکارە یاسایی بەرامبەر دەگیرێتەبەر.

لە بڕگەیەكی دیكەی فەرمانەكەدا ئاماژە بە دیاردەی بەرتیل و بەرتیلدان كراوە كە دەبێت گشت هاوڵاتیان بەیەكسانی مامەڵەیان لەگەڵدا بكرێت و رێگری بكرێت لە دیاردەی خزمایەتی، هەر كەسێكیش بەرتیل بدات روبەروی رێكاریی یاسایی دەكرێتەوە.

 

 


Copyright © 2016 Xendan.org all rights reserved

designed and developed by AVESTA GROUP