بەپەلە

وەزیرێکی فرەنسا بە هۆی تۆمتبارکردنی بە "دەستبڵاویی" دەستیلەکارکێشایەوە

- 7/22/2019 10:39:00 PM 4041 جار خوێندراوەتەوە

خەندان-

وەزیری ژینگەی فەرەنسا، بەهۆی تۆمەتبارکردنی بە "دەستبڵاوی وزێدەخەرجی، دەستی لەکارکێشایەوە.

خوانی گرانبەها و شەرابی  500 یۆرۆ-ی دادەنا

 

فرانسس دێ روگی، وەزیری ژینگەی فرەنسا ماوەی چەند مانگێکە لە ژێر رەخنەیەکی توندی خەڵکی فرەنسا و چاوی میدیایی ئەو وڵاتەدایە، ئەوەش دوای ئەوەی ناوبراو چەندین جار وێنەی ئەو خوانانەی بڵاوکردوە کە تیایدا میوانداری کەسانی نزیک خۆی دەکات و تیایدا خوانی گرانبەها و شەرابی  500 یۆرۆ-ی دادەنا.

تۆمەتی ئەوەیان دەدایە پاڵ کە بڕی 63 هەزار یۆرۆی لە بودجەی گشتی خەرجکردوە بۆ نۆژەندکردنەوەی خانوەکەی خۆی

 

خەڵکی فەرەنسا دێ رۆگی بە "دەستبڵاو" ناو دەبەن و بەوە تۆمەتباری دەکەن کە لە سامانی گشتی خەرجییەکانی دەکات، پێشتریش تۆمەتی ئەوەیان دەدایە پاڵ کە بڕی 63 هەزار یۆرۆی لە بودجەی گشتی خەرجکردوە بۆ نۆژەندکردنەوەی خانوەکەی خۆی.

شەقامی فرەنسی، فشاری دەخستە سەری تا دەستلەکاربکێشێتەوە

 

شەقامی فرەنسی، فشاری دەخستە سەری تا دەستلەکاربکێشێتەوە، بەڵام ناوبراو لای خۆیەوە دەیوت شێوازی ژیانی هیچ پەیوەندیەکی بە لایەنی سیاسی ئەوەوە نیە.

 فشارەکانی بە "ئەتکی راگەیاندن" ناوبرد و وازهێنانی خۆی لە پۆستەکەی ئاشکراکرد

 

فرانسس دێ روگی، کۆتایی هەفتەی رابردو، رەتیکردەوە بەهۆی فشارەکانی شەقامی فرەنساوە واز لە پۆستەکەی بهێنێت، بەڵام ناوبراو ئەمرۆ فشارەکانی بە "ئەتکی راگەیاندن" ناوبرد و وازهێنانی خۆی لە پۆستەکەی ئاشکراکرد.

وای لێکردم هەنگاوی پێویست بنێم و واز لە ئەرکەکەم بهێنم

 

"ئەو هێرشانەی کە دەکرانە سەر خۆم و خێزانەکەم وای لێکردم هەنگاوی پێویست بنێم و واز لە ئەرکەکەم بهێنم" دێ روگی وای وت.

وتەبێژی حکومەتی فرەنسا وتی داواکاریەکەی قبوڵکراوە

 

ئاماژەشی بەوەدا نامەی دەستلەکارکێشانەوەی پێشکەش بە سەرۆکوەزیرانی فرەنسا کردوە، سبێس ندیایی وتەبێژی حکومەتی فرەنسا وتی "داواکاریەکەی قبوڵکراوە".



Copyright © 2016 Xendan.org all rights reserved

designed and developed by AVESTA GROUP