وەزارەتی كۆچ و كۆچبەران كێشەی كارمەندە گرێبەستەكانی UN چارەسەردەكات

- 7/22/2019 8:57:00 PM 909 جار خوێندراوەتەوە

خەندان-

دو ئەندامی پەرلەمانی عێراق رایدەگەیەنن، وەزیری کۆچ و كۆچبەرانی عێراق بڕیاریداوە لەهەنگاوی یەکەمدا كێشەی كارمەندە گرێبەستەکانی ( UN) وەک چارەسەر بكەن و بە کرێی رۆژانە كار بكەن.

هەردو پەرلەمانتار کاوە محەمەد د.غالب محەمەد رایانگەیاند،"ماوەیەكە کاری جدی لەسەر چارەسەرکردنی کێشەی ئەو (318) فەرمانبەرە دەکەین کە بە گرێبەستی رێکخراوی (UNHCR)ی سەر بە نەتەوەیەکگرتوەکان لەفەرمانگەکانی وەزارەتی کۆچو کۆچبەرانی عێراق دەوام دەکەن و چارەنوسیان بە هەڵواسراوی ماوەتەوە، هەندێکیان نزیکەی (10) ساڵ خزمەتیان هەیە و هەر دانەمەزراون، لەسەرەتای ئەمساڵیشەوە هیچ موچەیەکیان بۆ سەرف نەکراوە کە موچەکەش خۆی لەئەساسدا کەمە".
لیژنەی کۆچ و وەزارەتی کۆچ رێککەوتین کە لەپرۆژەیاسای بودجەی ساڵی داهاتو (2020)دا کار بۆ دامەزراندنیان بکەین و کۆتایی بە کێشەکەیان بهێنین

 

ئەو پەرلەمانتارانە دەشڵێن، پێشتر بۆ ئەو مەبەستە کتابی فەرمیمان بۆ وەزارەتی دارایی و کۆچ کردوە و لەگەڵ هەریەک لەوەزیری دارایی و کۆچ قسەمان کردوە، دوایین هەوڵیشمان دوێنێ (7/21) بو کە لەکۆبونەوەی لیژنەی کۆچ و کۆچبەرانی پەرلەمان لەگەڵ وەزیری کۆچ و ستافی وەزارەتەکەی باسمان لەو کێشەیە کردەوە و وەزیری کۆچ پێی راگەیاندین کە بڕیارمانداوە لەهەنگاوی یەکەمدا وەک وەزارەت بیانکەین بە کرێی رۆژانە (اجور يومية) و دواتریش هەردولا لیژنەی کۆچ و وەزارەتی کۆچ رێککەوتین کە لەپرۆژەیاسای بودجەی ساڵی داهاتو (2020)دا کار بۆ دامەزراندنیان بکەین و کۆتایی بە کێشەکەیان بهێنین".



Copyright © 2016 Xendan.org all rights reserved

designed and developed by AVESTA GROUP