لێدوانێکی ئەردۆغان "بەهەڵە" وەردەگێردڕیت بۆ زمانی چینی

- 7/22/2019 7:07:00 PM 4503 جار خوێندراوەتەوە

خەندان-

هەفتەی رابردو، رەجەب تەیب ئەردۆغان لێدوانێکی لەسەر بارودۆخی مسوڵمانەکانی هەرێمی شینیانگ-ی چین دا، هەرزو بو بە سەردێری سەرچاوەکانی هەواڵێ چین.

مسوڵمانەکانی شینیانگ زۆر بە دڵخۆشی دەژین

 

لەو لێدوانەی ئەردۆغاندا کە لە لایەن وەرگێرە تایبەتەکانیەوە وەرگێردرابوە سەر زمانی چینی، وتبوی" مسوڵمانەکانی شینیانگ زۆر بە دڵخۆشی دەژین"، ئەوەش زو لە میدیای چیندا بڵاوبووە.

لە بنچینەدا ئەردۆغان وتویەتی هیوادارم مسوڵمانەکانی شینیانگ بە دلخۆشی بژین

 

 

بەگوێرەی سەرچاوەیەک لە نوسینگەی سەرۆکایەتی ئەردۆغان، وتەکانی ئەردۆغان بە هەڵە وەرگێردراوە و لە بنچینەدا ئەردۆغان وتویەتی" هیوادارم مسوڵمانەکانی شینیانگ بە دلخۆشی بژین".

داوایان لێکردون هەڵەکە راست بکەنەوە، بەڵام داواکاریەکەیان رەتکردوەتەوە

 

ئەمرۆ نوێنەرانی تورکیا لە بالیۆزخابەی ولاتەکەیان لە پەکینی پایتەختی چین "کۆبونەوەیەکی نهێنی"یان لەگەڵ ژامرەیەک دیپلۆماتکارانی چین ئەنجامداوە و داوایان لێکردون هەڵەکە راست بکەنەوە، بەڵام داواکاریەکەیان رەتکردوەتەوە. 

بەگوێرەی راپۆرتی چەند سەرچاوەیەک، حکومەتی چین زیاتر لە یەک ملیۆن مسوڵمانی ئیوغوری لە ئۆردوگایەکی زۆرملێدا لە هەرێمی شینجیانگ نیشتەجێکردوە، نوێەنەرانی وڵاتانی ئەوروپا لە نەتەوە یەکگرتوەکان ئەو کارە ئیدانە دەکەن.

گروپەکانی مافی مرۆڤی نێودەوڵەتی کە ئەو کامپە بە" کامپی قەتیسکراو" ناوزەند دەکەن، ئیدانەی ئەو کارەی حکومەتی چین دەکەن و رایدەگەیەنن، لەو کامپانەدا جینۆسایدی فکری دەکرێن و بە زۆر بیرۆڕای دینیان دەگۆڕن".



Copyright © 2016 Xendan.org all rights reserved

designed and developed by AVESTA GROUP