هەواڵی ئەمڕۆ

لەسەر ئەو كەشتیەی دەستیبەسەردا گرتوە
بە ڤیدیۆ..ئێران ئاڵای وڵاتەكەی دەخاتە شوێنی ئاڵای بریتانیا

- 7/21/2019 9:45:00 PM 5324 جار خوێندراوەتەوە

خەندان-

تەلەفزیۆنێكی ئێرانی بڵاویكردەوە سوپای پاسدارانی، ئاڵای بریتانیای لەسەر كەشتیە نەوتهەڵگرە بریتانیەكە لابردوە و ئاڵای ئێرانی خستوەتە شوێنی.

تەلەفزیۆنی پرێس تی ڤی ئێرانی، گرتە ڤیدیۆیەكی بڵاوكردوەتەوە، تێیدا ئاڵای ئێران لەسەر ئەو كەشتیە نەوتهەڵگرە بریتانیە بەرزكراوەتەوە كە هەینی رابردو 19ی تەمموز لە گەوی هورمز دەستیگرت بەسەریدا.

ئاڵای بریتانیا لابراوە و لە شوێنەكەی ئاڵای ئێران بەرزكراوەتەوە

 

هاوكات ئاماژە بەوەشكراوە، ئاڵای بریتانیا لەسەر كەشتی نەوتهەڵگری بریتانی "ستینا ئێمبێرو" لابراوە و لە شوێنەكەی ئاڵای ئێران بەرزكراوەتەوە.

هەینی رابردو، كەشتیەكی نەوتهەڵگری بریتانی بە تۆمەتی پێشێلكردنی هاتوچۆی دەریایی لە لایەن سوپای پاسدارانی ئێرانەوە دەستیبەسەردا گیرا.

موراد عەفیفی پور، بەڕێوەبەری هاتوچۆی دەریایی لە پارێزگای هورمزخانی ئێران رایگەیاند، "ئەو كەشتیە نەوتهەڵگرە بریتانیە، بە تۆمەتی پێشێلكردنی هاتوچۆی دەریایی دەستیبەسەردا گیراوە، چونكە لە گەروی هورمز خۆی كێشاوە بە بەلەمێكی ماسیگرەكاندا".


نیشانەکردن :

#ئێران #به‌ریتانیا

Copyright © 2016 Xendan.org all rights reserved

designed and developed by AVESTA GROUP