بەپەلە

تورکیا: سێ گەریلای پەکەکەمان لەچالاکی خستوە کە دوانیان داواکراو بون

- 7/20/2019 1:45:00 PM 3600 جار خوێندراوەتەوە


خەندان-
وەزارەتی بەرگری تورکیا رایگەیاند لەدرێژەی ئۆپەراسیۆنەکانیان لەقەندیل و خواکورک، سێ گەریلای پەکەکەیان لەچالاکی خستوە کە دوانیان لەلیستی داواکراوانی وەزارەتی ناوخۆدا بوە.
دوانیان لەلیستی داواکراوانی وەزارەتی ناوخۆی ئەو وڵاتەدایە

بەپێی هەواڵێکی ئاژانسی ئەنادۆڵی تورکی، وەزارەتی بەرگری تورکیا راگەیەنراوێکی بڵاوکردۆتەوە و تێیدا ئاماژەی بەوەکردوە سەرلەبەیانی ئەمڕۆ شەممە هێزەکانیان لەچوارچێوەی ئۆپۆراسیۆنەکانیاندا توانیویانە سێ گەریلای پەکەکە لەچالاکی بخەن کە دوانیان لەلیستی داواکراوانی وەزارەتی ناوخۆی ئەو وڵاتەدایە.
بەردەوام دەبن لەئۆپەراسیۆنەکانیان

وەزارەتی بەرگری تورکیا ناوی داواکراوەکانی بڵاونەکردۆتەوە، بەڵام جەختی کردۆتەوە کە بەردەوام دەبن لەئۆپەراسیۆنەکانیان.

تائێستا پارتی کرێکارانی کوردستان راستی و دروستی هەواڵەکەی رانەگەیاندوە.

ئەمە لەکاتێکدایە لەماوەی دو هەفتەی رابردودا دو سەرکردەی دیاری پارتی کرێکارانی کوردستان بەهۆی ئۆپەراسیۆنە بەردەوامەکانی تورکیاوە لەچیای قەندیل گیانیانلەدەستداوە.

 


نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP