"ئێرە تورکیایە، تورکیا"
بە ڤیدیۆ..ئەو پیاوەی هێرشەکەی کردە سەر گەشتیارە کوردەکە: بۆت نیە ئاڵای کوردستان هەڵبکەیت

- 7/19/2019 1:15:00 PM 90236 جار خوێندراوەتەوە

خەندان-

 دوای ئەوەی  دوێنێ لە شاری چایکارا-ی سەر بە پارێزگای ترابزۆن لە باکوری رۆژهەڵاتی تورکیا، کۆمەڵێک کوردی باشوری کوردستان کە بەمەستی گەشتیاری رویان لەو ناوچەیە کردبو، لەلایەن کۆمەڵێک کەسەوە هێرشیان دەکرێتە سەر، بڵاوبوەنەوەی گرتە ڤیدیۆیەک نارەزایی بەدوای خۆیدا هێنا.


لە گرتە ڤیدیۆیەکدا کە لە تۆڕە کۆمەڵاتیەکان بڵاوبوەتەوە، یەکێک لەو کەسانەی کە دەستپێشخەریی لە هێرشەکەدا کردوە، دوای هێرش کردنە سەر گەشتیارەکان ملپێچەکەی لێسەندون و هاوار دەکات " بۆت نیە ئاڵای کوردستان دەربکەیت، ئێرە تورکیایە تورکیا"، بڵاوبونەوەی ئەو گرتە ڤیدیۆیەش نارەزایی بەرفراوانی بەدوای خۆیدا هێناوە، پەرلەمانتارێکی ئاکەپە روداوەکە بە "کارەساتێکی قێزەون" ناودەبات

دوابەدوای روداوەکەش 9 لە گەشتیارەکان، دەستگیرکراون  کە لە ناویاندا ژن و منداڵ هەیە، هاوکات  پارتی دیموکرتای گەلان (هەدەپە) بەیاننامەیەکی لەو بارەیەوە بڵاوکردوە و دەڵێت"کاتێک گەشتیارەکان کورد بون، ئیتر هێرشکردن بۆ سەر گەشتیاران رەوا و یاساییە؟".



Copyright © 2016 Xendan.org all rights reserved

designed and developed by AVESTA GROUP