بەپەلە

پۆلیسی سلێمانی چوار تۆمەتبار دەستگیردەكات

- 7/18/2019 7:02:00 PM 3897 جار خوێندراوەتەوە

خەندان-

بەڕێوەبەرایەتی پۆلیسی پارێزگای سلێمانی رایگەیاند، هێزەكانیان توانیویانە چوار تۆمەتبار دەستگیربكەن كە لەشاری بەسرەوە دو ئۆتۆمبێلیان هێناوەتە شاری سلێمانی بەمەبەستی ساغكردنەوەیان.

نەقیب سەركەوت ئەحمەد،بەڕێوەبەری ڕاگەیاندن و پەیوەندییەكان لە بەڕێوەبەرایەتی پۆلیسی پارێزگای سلێمانی رایگەیاند،"دوای ئەوەی هێزەكانی بەشی پۆلیسی نەهێشتنی تاوانی سلێمانی زانیارییان پێگەیشت لەبارەی هێنانی دو ئۆتۆمبێل لەشاری بەسرەوە بۆ شاری سلێمانی بەمەبەستی ساغكردنەوەی، هێزەكانی پۆلیس لێكۆڵینەوەكانیان دەستپێكردو توانییان چوار تۆمەتبار دەستگیربكەن".

تۆمەتبارەكان هەستاون بە هێنانی دو ئۆتۆمبێلی جۆری (جی ئێم سی ، شۆفرلێت ) لەشاری بەسرەوە بۆ شاری سلێمانی بە مەبەستی ساغکردنەوەی

 

وتیشی،"تۆمەتبارەكان هەستاون بە هێنانی دو ئۆتۆمبێلی جۆری (جی ئێم سی ، شۆفرلێت ) لەشاری بەسرەوە بۆ شاری سلێمانی بە مەبەستی ساغکردنەوەی، ئەو دو ئۆتۆمبێلە لەسەرەتادا هیچ ژمارەیەكی نەبوە و تۆمەتباران هەستاون بە لێدانی ژمارەی (اربیل) بۆ ئەوەی لەشاری سلێمانی ساغی بكەنەوە".

ئاماژەی بەوەشكرد، لەئێستادا هەریەكە لە تۆمەتباران ( أ ، ع ، ح - ع ،ع ، ح - ع ، ك ، ل و ر ، م ، خ ) بە فەرمانی دادوەر ڕاگیراون و لێكۆڵینەوە لەگەڵیان بەردەوامە".

 

 


نیشانەکردن :

#پۆليس

Copyright © 2016 Xendan.org all rights reserved

designed and developed by AVESTA GROUP