مەراسیمی دەستاودەستکردنی حەوت وەزارەت بەڕێوەدەچێت

- 7/17/2019 9:43:00 AM 6391 جار خوێندراوەتەوە

خەندان-

ئەمڕۆ مەراسیمی دەستاودەستکردنی حەوت وەزارەت لە نێوان وەزیرانی کابینەی هەشتەم و نۆیەمی حکومەتی هەرێمی کوردستان بەڕێوەدەچێت.

لیژنەی سەرپەرشتی ئاڵوگۆڕ لە ئەنجومەنی وەزیرانی هەرێمی کوردستان لە نوسراوێکدا رایگەیاندوە، ئەمڕۆ هەریەکە لە وەزارەتەکانی تەندروستی، کاروکاروباری کۆمەڵایەتی، شارەوانی و گەشتوگوزار، گواستنەوە و گەیاندن، داد، رۆشبیری و لاوان، کاروباری شەهیدان و ئەنفالکراوان بەڕێوەدەچێت.

پۆستی وەزیری تەندروستی هەرێمی کوردستان ماوەی هەشت ساڵە لە دەستی رێکەوتن حەمەڕەشید، لە پشکی یەکێتی نیشتیمانی کوردستاندایە و ئەمڕۆ ئەو وەزارەتە رادەستی سامان حسێن لە پشکی پارتی دەکرێت.

هاوکات پۆستی وەزارەتی کاروکاروباری کۆمەڵایەتی کە ماوەی سێ ساڵە لەلایەن رێکەوت حەمەڕەشید بە وەکالەت بەڕێوەدەبرێت رادەستی کوێستان محەمەد، لە پشکی بزوتنەوەی گۆڕان دەکرێت.

وەزارەتی شارەوانی و گەشتوگوزار کە لەکابینەی هەشت لەلایەن نەورۆز مەولود لە پشکی پارتی بەڕێوەدەبرا ئەمڕۆ رادەستی ساسان عەونی لە پشتی هەمان حزب دەکرێت، هاوکات گواستنەوە و گەیاندن کە هەر نەورۆز مەولود بەوەکالەت بەڕێوەی دەبات رادەستی ئانو جەوهەر دەکرێت.

هەربەپێی نوسراوەکەی لیژنەی سەرپەرشتی ئاڵوگۆڕ، وەزارەتی داد کە لەکابینەی هەشتدا لەلایەن سینان چەلەبی بەڕێوەدەبرێت رادەستی فرسەت ئەحمەد دەکرێت، هەروەها وەزارەتی رۆشنبیری لاوان کە خالد عەبدولرەحمان لە پشکی یەکێتی بەڕێوەی دەبات رادەستی محەمەد سەعید لە پشکی هەمان حزب دەکرێت.

هاوکات وەزارەتی کاروباری شەهیدان و ئەنفالکراوان کە چوار ساڵە مەحمود ساڵح کەریم بەرێوەی دەبات دەدرێتە عەبدوڵا مەحمود لە پشکی حزبی شۆسیالیستی کوردستان.

10ی ئەم مانگە کابینەی نۆیەمی حکومەتی هەرێمی کوردستان لە پەرلەمانی کوردستان متمانەی پێبەخشرا و مەسرور بارزانی سەرۆکی کابینەکە کارنامەی چوار ساڵی ئایندەی کارکردنی کابینەکەی راگەیاند.



Copyright © 2016 Xendan.org all rights reserved

designed and developed by AVESTA GROUP