بەپەلە

وته‌بێژی وه‌زاره‌تی ده‌ره‌وه‌ی ئه‌مریكا لەبارەی جۆری گەمارۆکانی سەر تورکیا دەدوێت

- 7/17/2019 8:39:00 AM 9496 جار خوێندراوەتەوە

خەندان-

وته‌بێژی وه‌زاره‌تی ده‌ره‌وه‌ی ئه‌مریكا رایگەیاند، تا ئێستا له‌سه‌ر جۆری گه‌مارۆكانی سەر تورکیا هه‌ڵسه‌نگاندنێك نییه‌ و پێشتریش رایناگه‌یه‌نن.
تا ئێستا له‌سه‌ر جۆری گه‌مارۆكان بۆ سه‌ر توركیا هه‌ڵسه‌نگاندنێك نییه‌ 

 

مۆرگان ئۆرتاگوس، وته‌بێژی وه‌زاره‌تی ده‌ره‌وه‌ی ئه‌مریكا له‌باره‌ی دژایەتی وڵاته‌كه‌ی بەرامبەر بە توركیا به‌هۆی كڕینی سیسته‌می به‌رگری مووشه‌كی ئاسمانی S-400ه‌وه‌ له‌ كۆنگره‌یه‌كی رۆژانامه‌وانیدا رایگه‌یاند، "تا ئێستا له‌سه‌ر جۆری گه‌مارۆكان بۆ سه‌ر توركیا هه‌ڵسه‌نگاندنێك نییه‌ و پێشتریش رایناگه‌یه‌نین".
دۆناڵد تره‌مپ، سەرۆکی ئەمریکا و مایك پۆمپیۆ، وەزیری دەرەوە به‌پێی یاساكانی ئه‌مریكا دۆخه‌كه‌ هه‌ڵده‌سه‌نگێنن

 

ئاماژەی بەوەشکرد، "دۆناڵد تره‌مپ، سەرۆکی ئەمریکا و مایك پۆمپیۆ، وەزیری دەرەوە به‌پێی یاساكانی ئه‌مریكا دۆخه‌كه‌ هه‌ڵده‌سه‌نگێنن و هه‌مو بژارده‌كانی تاوتوێ ده‌كه‌ن، ده‌رئه‌نجام هه‌ر شتێك بێ ئێمه‌ به‌ ئاشكرا لێره‌ رایده‌گه‌یه‌نین".

هەینی رابردو، 12ی تەممو، رادەستكردنی سیستمی ئێس-400 بە توركیا لە لایەن روسیاوە دەستیپێكرد و تا ئێستاش بەردەوامی هەیە، ئەوەش سەرەڕای بەرهەڵستی و هۆشداریە توندەكانی ویلایەتە یەكگرتوەكانی ئەمریكایە، سەرەڕای ئەوەی وڵاتانی ئەندام لە ناتۆ ئەو چەكە بە مەترسی بۆ سەر هاوپەیمانیەكە هەژماردەكەن.


Copyright © 2016 Xendan.org all rights reserved

designed and developed by AVESTA GROUP