وەزیری نوێی پێشمەرگە لەگەڵ وەرگرتنی پۆستەكەی پەیامێكی راگەیاند

- 7/15/2019 10:40:00 PM 8698 جار خوێندراوەتەوە

خەندان-

ئەمڕۆ پرۆسەی ئاڵوگۆڕی پۆستی وەزیری پێشمەرگە ئەنجامدرا، لە پەیامێكدا شۆڕش ئیسماعیل وەزیری نوێی پێشمەرگە رایگەیاند،"گرنگترین شت لە خەباتی پێشمەرگایەتی فێری بووبم، وەفادارییە بۆ هاوسەنگەرو هاوخەبات و تێکۆشەرانی ڕێگای ڕزگاری".
ئەمڕۆ بە ئامادەبونی سەربەست لەزگین، جێگری وەزیری پێشمەرگە و فەریق روكن جەبار یاوەر، ئەمنیداری گشتی وەزارەتی پێشمەرگە بە فەرمانێكی وەزاری، شۆڕش ئیسماعیل ئاڵوگۆڕی دەسەڵاتەكانی پۆستی وەزیری پێشمەرگەی لەگەڵ كەریم سنجاری ئەنجامدا.
هەرچیمان هەیەو هەرچی هاتۆتە دی بەرهەمی خوێنی شەهیدان و ماندوبونی تێکۆشەرانە، خەباتێک کە شەرەفی ئەوەم پێبڕاوە لە زۆربەی قۆناغەکانیدا بەشداریی بکەم

 

لە پەیامێكدا شۆڕش ئیسماعیل رایگەیاند،" هەرچیمان هەیەو هەرچی هاتۆتە دی بەرهەمی خوێنی شەهیدان و ماندوبونی تێکۆشەرانە، خەباتێک کە شەرەفی ئەوەم پێبڕاوە لە زۆربەی قۆناغەکانیدا بەشداریی بکەم". 

گرنگترین شت لە خەباتی پێشمەرگایەتی فێری بوبم، وەفادارییە بۆ هاوسەنگەرو هاوخەبات و تێکۆشەرانی ڕێگای ڕزگاری. لەماوەی ساڵانی دوای ڕاپەڕینیشدا لە هەر پۆست و پلەیەکدا بوبم، ئەو وانەیەم لەبیرنەکردوە

شۆڕش ئیسماعیل راشیگەیاند،" گرنگترین شت لە خەباتی پێشمەرگایەتی فێری بوبم، وەفادارییە بۆ هاوسەنگەرو هاوخەبات و تێکۆشەرانی ڕێگای ڕزگاری. لەماوەی ساڵانی دوای ڕاپەڕینیشدا لە هەر پۆست و پلەیەکدا بوبم، ئەو وانەیەم لەبیرنەکردوە، هەمیشە لە خزمەتی کەسوکاری شەهیدان و تیکۆشەراندابوم. ئێستاش لێرە، وەک وەزیری پێشمەرگە، هەر بەردەوام دەبم لەسەر ئەو ڕێگایەو وانە بەهادارەکانی ڕۆژانی خەبات لەبیر ناکەم. 

لەبەشێكی دیكەی پەیامەكەیدا وتی،"بونی من لێرە بەرهەمی ماندوبون و گیانبازیی کۆی هێزە سیاسییەکان و كۆمەڵانی خەڵكی کوردستانە، هەوڵی ئەوانەی بناغەکانی ئەم حکومەتەیان داڕشت، خوێن و جواناوی ئەو پێشمەرگانەی نەیانهێشت گروپێكی تیرۆریستی تاریکخوازی وەک (داعش) خاکی پیرۆزی کوردستانمان لەکەدار بکات، ئەو جەماوەرەی بەرگەی برسێتی و نەهامەتییان گرت و سەریان دانەنەواند". 

ئەرکی سەرشانی منیشە وەفادار بم بەرامبەر ئەو هەمو ڕەنج و ماندوبونە. من هاتومەتە ئێرە بە ڕۆحی ئەوەی خزمەتی ئێوە بکەم، ماندوبون و گیانبەخشینی ئێوە منی گەیاندۆتە ئەم پلەیە

 

شۆڕش ئیسماعیل ئاماژەی بەوەشكرد،"زۆر زۆرن ئەو کەس و لایەنانەی ساڵانێکی زۆر تێکۆشاون، شەونخونییان کردوە، تا ئاکامەکەی بەوە بگات ئێمە لێرە ئامادە بین. ئەرکی سەرشانی منیشە وەفادار بم بەرامبەر ئەو هەمو ڕەنج و ماندوبونە. من هاتومەتە ئێرە بە ڕۆحی ئەوەی خزمەتی ئێوە بکەم، ماندوبون و گیانبەخشینی ئێوە منی گەیاندۆتە ئەم پلەیە، هاتوم و خەونی ئەوەم هەیە کە دوای تەواوبونی ماوەو ڕادەستکردنەوەی پۆستەکە جێگای شانازیی ئێوە بم، توانیبێتم خزمەتێکی تر بە ئێوە و گەلەکەم بگەیەنم، کە ئێوەو منیش هەمو تەمەنی خۆمانمان لەپێناوی سەرکەوتنیدا بەخت کردوە".

 

 


نیشانەکردن :

#پێشمەرگە

Copyright © 2016 Xendan.org all rights reserved

designed and developed by AVESTA GROUP