"ژنان وڵاتیان تێكداوە، نابێت بەشداربن لەدەنگداندا"
هاوڕێ كوڕەكەی ئاشكرایدەكات بە بڕوای ئەو ژنان نابێت دەنگبدەن

- 7/15/2019 5:15:00 PM 10300 جار خوێندراوەتەوە

خەندان-

پاش پێنج ساڵ پەیوەندی خۆشەویستی، خانمێكی ئەمریكی بۆی دەركەوتوە هاوڕێ كورەكەی كە بە نیازی ئەنجامدانی هاوسەرگیری بون پێكەوە بڕوای بەوە نیە ژنان لە پرۆسەی دەنگداندا بەشداریبكەن.

مشتومڕێكی زۆری بەداوی خۆیدا هێنا

 

نامەی خانمێكی ئەمریكی كە لە پێگەی رێددیت بڵاویكردوەتەوە، بوە هۆی بڵاوبونەوەی بە شێوەیەكی خێرا و كاردانەوە و مشتومڕێكی زۆری بەداوی خۆیدا هێنا، كە لە نامەكەدا ئەو خانمە باس لەوەدەكات، خۆشەویستەكەی كە بۆ ماوەی پێنج ساڵە پەیوەندیان هەیە ئاشكرایكردوە كە باوەڕی بە بەشداریكردنی ژنان نیە لە پرۆسەی دەنگداندا.

ژنان وڵاتەكەیان تێكداوە و نابێت رێگەیان پێبدرێت لە پرۆسەی دەنگداندا بەشداریبكەن

 

لە نامەكەدا ئەو خاتونە نوسویویەتی "خۆشەویستەكەم كە بۆ ماوەی پێنج ساڵە پێكەوەین، ئێستا ئاشكرایكرد كە بە بڕوای ئەو ژنان وڵاتەكەیان تێكداوە و نابێت رێگەیان پێبدرێت لە پرۆسەی دەنگداندا بەشداریبكەن".

 ترساوە لەوەی ئەو خانمە لەدەستبدات

 

بەپێی نوسراوەكانی ئەو خانمە، "خۆشەویستەكەی پێی وتوە كە لە ماوەی رابردودا ئەو بیروبۆچونەی خۆی ئاشكرانەكردوە، چونكە ترساوە لەوەی ئەو خانمە لەدەستبدات".

"ناتوانێت بڕیاربدات ئایا هەڵەیە كە بەوهۆیەوە بێزاببێت یاخود نا

 

ئەو خانمە كە رایگەیاندوە خۆی و خۆشەویستەكەی هەردوكیان بە رەگەز خەڵكی ویلایەتە یەكگرتوەكانی ئەمریكان، ئاماژەی بەوەكردوە "ناتوانێت بڕیاربدات ئایا هەڵەیە كە بەوهۆیەوە بێزاببێت یاخود نا، چونكە بە بۆچونی ئەو هەموان دەبێت خاوەنی بۆچونی تایبەتی خۆیان بن، بەڵام لە لایەكی دیكەوە خۆشەویستەكەی نرخ بۆ بۆچون و مافی ئەو دانانێت".

 دڵنیای كردومەتەوە لەوەی (من) دەبێت رێگەم پێبدرێت دەنگ بدەم، بەڵام بە شێوەیەكی گشتی نابێت ژنان رێگەیان پێبدرێت

 

لە بەشێكی دیكەی نامەكەیدا نوسیویەتی "خۆشەویستەكەم دڵنیای كردومەتەوە لەوەی (من) دەبێت رێگەم پێبدرێت دەنگ بدەم، بەڵام بە شێوەیەكی گشتی نابێت ژنان لەو پرۆسەیەدا رێگەیان پێبدرێت".

سەبارەت بەو نامەیە كە ئەو خانمە بڵاویكردوەتەوە و داوای بۆچەنی خەڵك دەكات، زۆرینەی خەڵك بە شێوەیەكی توند هەڵوێستیان نواندوە و ئامۆژگاریەكانیان دژی بۆچونەكەیە، هاوكات سەرجەمیان داوایان لەو خانمە كردوە "پێش ئەوەی درەنگتر پەشیمانبێتەوە، هەر ئێستا خۆشەویستەكەی جێبهێڵێت، چونكە كۆتاییی ئەو پەیوەندیە و هاوسەرگیریان لە ئاكامدا بە خراپی كۆتاییدێت".



Copyright © 2016 Xendan.org all rights reserved

designed and developed by AVESTA GROUP