بەپەلە

تۆڕێک لەئەندامانی رێکخراوی ئیخوان موسلیمین بەتۆمەتی کوشتن دەستگیرکران

- 7/14/2019 2:23:00 PM 2411 جار خوێندراوەتەوە

خەندان-
ژمارەیەک لەشانەی نهێنی سەربە رێکخراوی ئیخوان موسلیمین لەکوەیت بەتۆمەتی کوشتنی داواکاری گشتی میسر دەستگیرکران.

بەپێی هەوالێکی ئەلعەرەبییە، سەرلەبەیانی ئەمڕۆ یەکشەممە ژمارەیەک لەشانەی نهێنی سەربە رێکخراوی ئیخوان موسلیمین لەکوەیت بەتۆمەتی کوشتنی داواکاری گشتی میسر دەستگیرکراون.
تۆمەتبارن بەکوشتنی داواکاری گشتی پێشوی میسر

رۆژنامەی ئەلرای کوەیتی ئاشکرایکردوە ئەو تۆڕەی دەستگیرکراون سەربازین و تۆمەتبارن بەکوشتنی داواکاری گشتی پێشوی میسر، هاشم ئەلبەرەکەت، لەساڵی 2015.
رۆژنامەکە ئاشکراشیکردوە، ژمارەیەکی دیکەی تۆڕی ئەنجامدەری چالاکییەکە کە داواکراون و دەستگیرنەکراون لەکوەیتەوە هەڵهاتون بۆ دەوحەی پایتەختی قەتەر و لەوێشەوە بۆ تورکیا.
پێشتر حکومەتی کوەیت هەشت گومانلێکراوی ئەو کەیسەی رەوانەی میسر کردۆتەوە

پێشتر حکومەتی کوەیت هەشت گومانلێکراوی ئەو کەیسەی رەوانەی میسر کردۆتەوە، بەپێی رێکەوتنێک کە لەنێوان هەردو وڵاتدایە.

هاوکات، بەپێی زانیارییەکانی ئەو رۆژنامەیە ئەو تۆڕە لەوڵاتەکانی تورکیا، قەتەر و کوەیت کۆبونەوەی نهێنییان ئەنجامداوە و یارمەتی و هاوکارییان بۆ رێکخراوی ئیخوان موسلیمین کۆکردۆتەوە.

نیشانەکردن :

#كوەیت

Copyright © 2016 Xendan.org all rights reserved

designed and developed by AVESTA GROUP