وەزیری كاری ویلایەتە یەكگرتوەكانی ئەمریکا دەستی لە پۆستەكەی كێشایەوە

- 7/12/2019 8:08:00 PM 1863 جار خوێندراوەتەوە

خەندان-

بەهۆكاری ئەنجامدانی گرێبەستێك لەگەڵ میلیاردێرێكدا كە بە پێشێلكاری سێكسی بۆ سەر منداڵان تۆمەتبارە، وەزیری كاری ویلایەتە یەكگرتوەكانی ئەمریكا دەستی لە پۆستەكەی كێشایەوە.

ئالێكساندەر ئاكۆستا، وەزیری كاری ویلایەتە یەكگرتوەكانی ئەمریكا ئەمڕۆ هەینی دەستی لە پۆستەكەی كێشایەوە

 

ئالێكساندەر ئاكۆستا، وەزیری كاری ویلایەتە یەكگرتوەكانی ئەمریكا ئەمڕۆ هەینی دەستی لە پۆستەكەی كێشایەوە، پاش ئەوەی بەهۆی بەستنی گرێبەستێكەوە كە لەگەڵ میلیاردێرێكی ئەمریكیدا دە سال لەمەوبەر ئەنجامیداوە روبەڕوی رەخنەی توند بوەوە.

 لەكاتی ئەنجامدانی گرێبەستەكەدا داواكاری گشتی مایامی بوە روبەڕوی رەخنەی توند بوەوە

 

پاش ئەوەی مانگی تشرینی دوەمی ساڵی رابردو، رۆژنامەی میامی هێراڵد گرێبەستێكی ئاشكراكرد، كە ساڵی 2008 لەنێوان ئاكوستا و جێفری ئێبیشتاین، كە بازرگانێكی میلیاردێرە ئەنجامدراوە، ئالێكساندەر ئاكۆستا، كە لە ئێستادا وەزیری كار و لەكاتی ئەنجامدانی گرێبەستەكەدا داواكاری گشتی مایامی بوە روبەڕوی رەخنەی توند بوەوە.

 ماوەی 13 مانگ لە گرتوەخانە مایەوە

 

جێفری ئەبیشتاین، ئەو میلیاردێرەیە كە پێشتر بە تۆمەتی ئەنجامدانی پێشێلكاری و دەستدرێژی سێكسی و بەكارهێنانی كچی خوار تەمەنی یاسایی بۆ كاری جەستەفرۆشی، هاوكات لەگەڵ پێدانی پارە بە كچی منداڵ بەرامبەر "خزمەتی سێكسی" و فرۆشتنی خزمەتەكانیان بە كەسانی دیكە تۆمەتباركرا و ماوەی 13 مانگ لە گرتوەخانە مایەوە.

 

پاش ئەوەی هەفتەی رابردو دوبارە ئەبیشتاین بە تۆمەتی هاوشێوە لە شاری نیویۆرك دەستگیركرا، پەرلەمانتاران و بەرپرسە گەورەكانی دیموكراتەكانی ویلایەتە یەكگرتوەكان هاوشان لەگەڵ پاڵێوراوان بۆ پۆستی سەرۆكایەتی ئەو وڵاتە داوایانكرد وەزیری كار دەست لە پۆستەكەی بكێشێتەوە.

بەفەرمی و لەبەردەم دۆناڵد ترەمپ، دەستی لە پۆستەكەی كێشایەوە

 

لەژێر فشارەكاندا، ئەمڕۆ هەینی ئاكوستا بە شێوەیەكی فەرمی و لەبەردەم دۆناڵد ترەمپ، سەرۆكی ویلایەتە یەكگرتوەكانی ئەمریكا دەستی لە پۆستەكەی كێشایەوە و ترەمپیش دەستلەكاركێشانەوەكەی راگەیاند.

لەماوەی دو ساڵ و نیوی رابردودا بەشێوەیەكی زۆرباش كارەكانی بەئەنجامگەیاندوە

 

سەبارەت بە دەستلەكاركێشانەوەكەی وەزیری كاری ویلایەتە یەكگرتوەكان، ترەمپ پشتگیری لە ئاكوستا كرد و رایگەیاند "لەماوەی دو ساڵ و نیوی رابردودا بەشێوەیەكی زۆرباش كارەكانی بەئەنجامگەیاندوە".



Copyright © 2016 Xendan.org all rights reserved

designed and developed by AVESTA GROUP