بەپەلە

سەرۆكایەتی پەرلەمانی كوردستان هاوخەمی بۆ رۆژئاڤای كوردستان دەردەبڕێت

- 7/12/2019 1:02:00 PM 654 جار خوێندراوەتەوە

خەندان-

سەرۆكایەتی پەرلەمانی كوردستان، پەیامێكی هاوخەمی ئاراستەی رۆژئاڤای كوردستان كرد و وێڕای ئیدانەكردنی كردەوە تیرۆریستیەكان داواشی لە فەرمانگەكانی حكومەتی هەرێمی كوردستان كرد لە هەبونی هەر پێویستییەك بۆ هاوكاریكردنی قوربانیان و خەڵكی رۆژئاڤای كوردستان درێخی نەكەن.

دەقی پەیامەكە:

پەیامی هاوخەمیی سەرۆكایەتیی پەرلەمانی كوردستان
بەداخ و كەسەرێكی زۆرەوە هەواڵی تەقینەوەكەی قامیشلۆ و عەفرین-مان بیست كە بووە هۆی شەهیدو برینداربوونی ژمارەیەك لە خەڵكی مەدەنیی ئەو دوو شارە خۆشەویستە، وێڕای هاوخەمی و هاوبەشی لە خەمی قوربانیان بەتوندی ئیدانەی ئەو كردەوە تیرۆریستییە دەكەین.
ئەنجامدانی ئەو تەقینەوانە سەلمێنەری ئەوەیە كە پێویستە هەمووان بە یەكڕیزی و یەكدەستی بۆ بەرگری لە خاك و بەرپەرچدانەوەی تیرۆریستان دەست بخەینە ناو دەست.

داوا لە فەرمانگەكانی حكومەتی هەرێمی كوردستانیش دەكەین لە هەبوونی هەر پێویستییەك بۆ هاوكاریكردنی قوربانیان و خەڵكی رۆژئاوای كوردستان درێخی نەكەن.
سەرۆكایەتیی پەرلەمانی كوردستان
11/7/2019


Copyright © 2016 Xendan.org all rights reserved

designed and developed by AVESTA GROUP