پاش تانەگرتن، خوێندكارێكی دیكە دەبێتە یەكەمی سەر ئاستی هەرێم

- 7/12/2019 12:04:00 PM 24084 جار خوێندراوەتەوە

خەندان-

هەژی بەنگین تاهیر، ئەو خوێندكارەی پارێزگای دهۆكە كە پاش تانەگرتنی لە ئەنجامی تاقیكردنەوەكانی قۆناغی 12ی بنەڕەتی توانی ئاستی نمرەكانی بۆ 99.43 بەرزبكاتەوە و ببێتە یەكەمی سەر ئاستی هەرێمی كوردستان.
من تانەم گرت لە زمانی عەرەبی و پەروەردەی ئیسلامی، پرسیارێكی ئێمە لە پەرتوكی بادینی بە هەڵە وەرگێڕدرابو بۆ سۆرانی

 

لەلێدوانێكیدا بۆ خەندان، هەژی بەنگین تاهیر وتی،"من تانەم گرت لە زمانی عەرەبی و پەروەردەی ئیسلامی، پرسیارێكی ئێمە لە پەرتوكی بادینی بە هەڵە وەرگێڕدرابو بۆ سۆرانی، هەندێك بابەت لە سۆرانیدا هەبو، لە بادینیدا نەبو، وەزارەتی پەروەردە لەسەر بنەمای سۆرانی دەرەجەی ئێمەی دانابو، بەو هۆیەوە دو نمرەمان لەدەستدابو، دوای تانەدان دوبارە دو نمرەكەم بەدەستهێنایەوە".

پێش تانەدانەكە، کۆنمرەی من  99.14 بو، بەڵام دواتر بەزربوەوە بۆ 99.43 و منیش بەوە زۆر دڵخۆشبوم، چونكە مافی من نەخورا

 

هەژی بەنگین وتیشی،"پێش تانەدانەكە، کۆنمرەی من  99.14 بو، بەڵام دواتر بەزربوەوە بۆ 99.43 و منیش بەوە زۆر دڵخۆشبوم، چونكە مافی من نەخورا، بەو ئەنجامەش هاوشێوەی مەنسور قادر بومە یەكەمی سەر ئاستی هەرێمی کوردستان.

داواكارم وەزارەتی پەروەردە، پێداچونەوە بە وەرگێڕانی پەرتوكی بادینی بكاتەوە بەتایبەتی پەروەردەی ئیسلامی و ئەو گرفتانەی لە پەرتوكی بادینی هەیە چارەسەربكرێن و كەموكوڕییەكان نەهێڵرێت

 

ئەو خوێندكارە یەكەمەی سەر ئاستی هەرێم وتیشی،"داواكارم وەزارەتی پەروەردە، پێداچونەوە بە وەرگێڕانی پەرتوكی بادینی بكاتەوە بەتایبەتی پەروەردەی ئیسلامی و ئەو گرفتانەی لە پەرتوكی بادینی هەیە چارەسەربكرێن و كەموكوڕییەكان نەهێڵرێت".

هەژی كە لەدایكبوی ساڵی 1991 ەو لە خانەوادەیەكی مامناوەند دەژی، لە خوێندنگای حكومی كۆلێجی دهۆك بۆ بەهرەداران خوێندكار بو، داواشی لە خوێندكارانی ساڵانی داهاتو كرد كە پلانێك بۆ ئامانجەكانیان دابنێن و كاری لەسەر بكەن بۆ ئەوەی بگەنە ئامانجەكانیان.



Copyright © 2016 Xendan.org all rights reserved

designed and developed by AVESTA GROUP