بەپەلە

بەشی یەكەمی سیستمی S400 گەیشتە توركیا

- 7/12/2019 11:05:00 AM 4146 جار خوێندراوەتەوە

خەندان-

وەزارەتی بەرگری توركیا رایگەیاند، بەشی یەكەمی پێكهاتەكانی سیستمی S400گەیشتۆتە بنكەی ئاسمانی مورتەد لە ئەنقەرەی پایتەختی توركیا.

لە بەیاننامەیەكدا، وەزارەتی بەرگری توركیا رایگەیاند،"بەرەبەیانی ئەمڕۆ بەشی یەكەمی پێكهاتەكانی سیستمی بەرگری موشەکی (S-400) گەیشتە فرۆكەخانەی مورتەد لە ئەنقەرەی پایتەختی توركیا.

لەچەندین چاوپێکەوتنی رۆژنامەوانیدا رەجەب تەیب ئەردۆغان، سەرۆکی تورکیا جەختی لەسەر ئەوە کردۆتەوە کە مانگی تەموز سیستمی بەرگری موشەکی (S-400) لەروسیا وەردەگرن

 

سەرەڕای ناڕەزایەتییە بەردەوامەکانی ئەمریکا و هەڕەشەکانی بۆ سەپاندنی سزا، پێشتر لەچەندین چاوپێکەوتنی رۆژنامەوانیدا رەجەب تەیب ئەردۆغان، سەرۆکی تورکیا جەختی لەسەر ئەوە کردۆتەوە کە مانگی تەموز سیستمی بەرگری موشەکی (S-400) لەروسیا وەردەگرن. 

ئەم بابەتە ناکۆکی زۆری خستوەتە نێوان ئەندامانی رێکخراوی ناتۆ و هەندێک وەک پێشێلکاری بنەماکانی ئەو رێکخراوە تەماشایدەکەن و بەشێکی دیکەش وەک مافێکی ئاسایی تورکیا دەیبینن.

ئەمریکا هەڕەشەی هەڵپەساردنی بەرنامەی فرۆکەی جەنگی ( F-35)ی لەتورکیا کردوە

 

لەماوەی رابردوشدا حکومەتی ئەمریکا هەڕەشەی هەڵپەساردنی بەرنامەی فرۆکەی جەنگی ( F-35)ی لەتورکیا کردوە و راشیگەیاندوە کە ئیدارەی ترەمپ سزا بەسەر تورکیادا دەسەپێنێت ئەگەر دەستبەرداری ئەو هەنگاوە نەبێت.



Copyright © 2016 Xendan.org all rights reserved

designed and developed by AVESTA GROUP