ئەوقافی سلێمانی سەبارەت بە كەمئەندامان داوایەك لە وتارخوێنان دەكات

- 7/12/2019 8:38:00 AM 2242 جار خوێندراوەتەوە

خەندان-

بەڕێوەبەرایەتی گشتی ئەوقاف و كاروباری ئاینی پارێزگای سلێمانی داوا دەكات پێشنوێژ و وتارخوێنی مزگەوتەكان لە وتاری هەینیدا ئاماژە بە مافی چاودێری وخزمەتكردنی تەندروستی كەمئەندامان بكەن.

لەراگەیەندراوێكدا بەڕێوەبەرایەتی گشتی ئەوقاف و كاروباری ئاینی پارێزگای سلێمانی ڕایگەیاند"سەبارەت بە یاسای ماف و ئیمتیازاتی كەمئەندامان داواكارین لە پێشنوێژ و وتارخوێنان لە وتاری رۆژی هەینیدا ئاماژە بە مافی چاودێری وخزمەتكردنی تەندروستی ئەو چین و توێژە بدرێت".

ئاماژە بەوەشكراوە كە "پێویستە هاووڵاتیان لەوە هۆشیار بكرێنەوە، كە ڕۆژانە ڕەچاوی مافەكانی كەمئەندامان بكرێت بەهەمان شێوەی كەسانی ئاسایی".


Copyright © 2016 Xendan.org all rights reserved

designed and developed by AVESTA GROUP