بەپەلە

تویتەر روبەروی كێشەیەكی تەكنیكی بوەتەوە

- 7/11/2019 10:33:00 PM 1585 جار خوێندراوەتەوە

خەندان-

تۆڕی كۆمەڵایەتی تویتەر روبەروی كێشەیەكی تەكنیكی بوەتەوە و بەرپرسانی ئەو كۆمپانیایەش رایانگەیاند كە هەوڵی چارەسەركردنی كێشەكە دەدەن.

ئەمڕۆ پێنجشەممە، بە شێوەیەكی گشتی تۆڕی كۆمەڵایەتی تویتەر روبەڕوی كێشەیەكی تەكنیكی بوەوە، بەهۆی ئەو كێشەیەوە ژمارەیەكی زۆر لە بەكارهێنەرانی ئەو تۆڕە ناتوانن سەردانی هەژمارەكانی خۆیان بكەن.

لەكاتێكدا بەشێكی زۆر لە پەڕە تایبەتەكانی تویتەر روبەروی گرفتی تەكنیكی بونەتەوە و بەشداربوانی تۆڕەكە ناتوانن بچنە ناو پەڕە تایبەتەكانیان، بەڵام ژمارەیەكی كەم لە هەژمار و پەڕەكان هێشتا كاران.

لەوبارەیەوە بەرپرسانی كۆمپانیاكە سوپاسی بەكارهێنەرانیان كردوە و نوسیویانە "سوپاس بۆ چاوەڕوانیتان، كێشەیەكی تەكنیكیمان هەیە و هەوڵ دەدەین  بەزوترین كات چارەسەری گرفتەكە بكەین".



Copyright © 2016 Xendan.org all rights reserved

designed and developed by AVESTA GROUP