دەسەڵاتدارانی جەبەل تاریق كاپتنی كەشتیە نەوتهەڵگرەكەی ئێران دەستبەسەردەكەن

- 7/11/2019 9:21:00 PM 3566 جار خوێندراوەتەوە

خەندان-

پۆلیسی جەبەل تاریق رایگەیاند، كاپتن و بەرپرسی ئەو كەشتیەی دەستگیركردوە كە  لە ماوەی پێشودا لە لایەن بریتانیاوە دەستیبەسەرداگیرا.

كاپتن و بەرپرسی كەشتی (گریس 1)ی ئیرانی لە لایەن پۆلیسی جەبەل تاریقەوە دەستگیركرا


ئاژانسی رۆیتەرز لە زاری هێزەكانی پۆلیسی جەبەل تاریق-ەوە رایگەیاند، ئەمڕۆ پێنجشەممە كاپتن و بەرپرسی كەشتی نەوتهەڵگری ئێرانی "گریس1"یان دەستگیركردوە، كە هەفتەی رابردو بە تۆمەتی پێشێلكردنی سزاكانی ئەوروپا بۆ سوریا، ئەو كەشتیە لە لایەن بریتانیاوە دەستیبەسەرداگیرا.

سەرجەم كەلوپەل و بەڵگەنامە ئەلیكترۆنیەكانی لێوەرگیراوە


ئاماژە بەوەشكراوە، لەمیانی دەستگیركردنی كاپتنی ئەو كەشتیەدا، سەرجەم كەلوپەل و بەڵگەنامە ئەلیكترۆنیەكان لەلایەن پۆلیسی جەبەل تاریقەوە لەو كاپتنە وەرگیراوە.

پێنجشەممەی رابردو 4ی تەمموز، هێزە دەریاییەكانی شانشینی یەكگرتوی بریتانیا رایانگەیاند، لە جەبەل تاریق دەستیان بەسەر كەشتیەكی نەوتهەڵگری ئیرانیدا گرتوە، بە تۆمەتی پێشێلكردنی سزاكانی یەكێتی ئەوروپا بۆ سەر حكومەتی سوریا، كە بەپێی وتەكانی ئەو حكومەتە، ئەو نەوتە بۆ سوریا دەگوازرایەوە.

لە بەرامبەریشدا بەرپرسانی حكومەتی ئێران چەندینجار دوپاتیانكردوەتەوە، ئەو كەشتیە بە مەبەستی ناردنی نەوت بۆ سوریا بەڕێنەكەوتوە و داوایانكردوە دەستبەجێ ئەو كەشتیە ئازادبكەن.

پۆلیسی بریتانیاش ئەمڕۆ پێنجشەممە رایگەیاند "تا ئێستا كەشتی گریس1، لەژێر دەسەڵاتیاندایە و ئازادنەكراوە و لێكۆڵینەوەكانیش لەوبارەیەوە بەردەوامە".


نیشانەکردن :

#ئێران #بریتانیا

Copyright © 2016 Xendan.org all rights reserved

designed and developed by AVESTA GROUP