ئەنجومەنی سەربازی سودان هەڵدەوەشێتەوە

- 7/8/2019 7:24:00 PM 1803 جار خوێندراوەتەوە

خەندان-
ژەنەراڵێکی باڵای سودان رایگەیاند ئەنجومەنی سەربازی سودان هەڵدەوەشێتەوە پاش ئەوەی دەستەیەکی دەسەڵاتداری هاوبەش بۆ حکومڕانی وڵات پێکدەهێنرێت.

بەپێی هەواڵێکی ئەلعەرەبیە، عەبدول فەتاح بورهان سەرۆکی ئەنجومەنی سەربازی راگوزەر لەمیانەی چاوپێکەوتنێکی تەلەفزیۆنیدا رایگەیاندوە ئەنجومەنی سەربازی سودان هەڵدەوەشێتەوە پاش ئەوەی دەستەیەکی دەسەڵاتداری هاوبەش بۆ حکومڕانی وڵات پێکدەهێنرێت.
رێکەوتن لەسەر پێکهێنانی ئەنجومەنێکی هاوبەش

هەفتەی رابردو ئەنجومەنی سەربازی و سەرکردەی پشتیوانانی دیموکراسی وڵات رێکەوتن لەسەر پێکهێنانی ئەنجومەنێکی هاوبەش (ئەنجومەنی سەروەری هاوبەش) بۆ گرتنە دەستی دەسەڵات تا رێکخستنی خولێکی دیکەی هەڵبژاردن لەماوەی سێ ساڵی داهاتودا.
لە 21 مانگی سەرەتادا سەرکردەیەکی سەربازی سەرکردایەتی ئەنجومەنەکە دەکات

بەپێی رێکەوتنەکەی ئەنجومەنی سەربازی و پشتیوانانی دیموکراسی لە 21 مانگی سەرەتادا سەرکردەیەکی سەربازی سەرکردایەتی ئەنجومەنەکە دەکات و دواتر بۆماوەی 18 مانگ سەرکردەیەکی مەدەنی سەرکردایەتی دەکات.

سەرۆکی ئەنجومەنی سەربازی راگوزەر وتیشی لەئێستادا ئەنجومەن بیر لەسەرکردەیەکی سەربازی بۆ جگرتنەوەی ئەنجومەنە نوێیەکە دەکات، فشارێکی زۆریش هەیە بۆ راگەیاندنی ئازادی و گۆڕانکاری کە ئەوەش داخوازی خۆپیشاندەرانە.

نیشانەکردن :

#سودان

Copyright © 2016 Xendan.org all rights reserved

designed and developed by AVESTA GROUP