ئەمیری دوبەی: شازادە هەیا لەگەڵ پاسەوانە بریتانیەكەی پەیوەندی سۆزداری هەیە

- 7/8/2019 1:51:00 PM 94267 جار خوێندراوەتەوە

خەندان-

ئه‌میری دوبه‌ی محه‌مه‌د بن راشد ئالمه‌كتوم ئاشكرایكردوه‌، كه‌  هاوسەرە هەڵهاتوەكەی په‌یوه‌ندی سۆزداری له‌گه‌ڵ پاسه‌وانه‌ بریتانیە‌كه‌یدا هه‌بوه‌.

سەرەتا گومانی هەبوە و دواتر دڵنیا بوەتەوە

 

رۆژنامه‌ی ده‌یلی مەیڵ-ی بریتانی لە زاری محەمەد بن راشد-ەوە رایگەیاندوە "پێشتر لە نزیكبونەوەی شازادە هەیا و پاسەوانە بریتانیەكەی نیگەران بوە و گومانی بۆ دروستبوە، بەڵام دواتر له‌كاتی چونی ئه‌میری دوبه‌ی بۆ كۆشكه‌ 85 ملیۆن پاوه‌ندیه‌كه‌ی له‌لەنده‌ن بڕوای وابوە ئەو پەیوەندیە لەنێوانیاندا هەیە و دڵنیابوەتەوە ".

ئەو پاسەوانە هاوسەرگیری كردوە و خێزانی خۆی هەیە

 

ئاماژەی بەوەشكردوە "بە بڕوای ئەو، شازادە هەیا لەگەڵ پاسەوانە بریتانیەكەیدا پەیوەندی سۆزداری هەیە، كە ئەو پاسەوانەش بە هەمانشێوە هاوسەرگیری كردوە و خێزانی خۆی هەیە".

دیاری زۆری بۆ پاسەوانە بریتانیەكەی كڕیوە


باسی لەوەشكردوە، شازادە هەیا-ی تەمەن 45 ساڵ، كە لەنێو شەش هاوسەرەكەی محەمەد بن راشیددا گەنجترین هاوسەریەتی، ژمارەیەكی زۆر دیاری بۆ ئەو پاسەوانە بریتانیە كڕیوە.

شازادە هەیا، کچی مەلیک حوسێن، پاشای پێشوی ئوردن و خوشکی شا عەبدوڵڵای ئێستا ، کە دەکاتە هاوژینی شەشەمی شێخ محەمەد بن راشید ئال مەکتوم، حاکمی دوبەی، چەند ھەفتەیەك لەمەوبەر لە دوبەی هەڵهات و  پەنای بردە بەر بریتانیا، لە ئێستاشدا لە لایەن هاوسەرەكەیەوە سكالای یاسایی لەسەر تۆماركراوە. 

شازادە هەیا خاوەنی کچێک و کوڕێکە لە شێخ محەمەد، کچەکەی تەمەنی 12 ساڵە و کوڕەکەشی تەمەنی حەوت ساڵە، كە لە کاتی هەڵهاتنیدا بۆ لەندەن هەردو منداڵەکەی لەگەڵ خۆی بردوە .

ئەمە لەکاتێکدایە پێشتر راگەیاندنەكانی بریتانیا بڵاویانكردەوە، شازادە هەیا لە ترسی شێخ محەمەدی هاوسەری لە شاری لەندەن خۆی شاردوەتەوە، دوای ئەوەی حاکمی دوبەی پارچە هۆنراوەیەکی بە ناونیشانی (عشتی ومتی) بڵاوکردوەتە، کە تیایدا گلەیی وتۆماتبارکردنی هاوژینەکەی تیا مەبەستە، هەروەها دەڵێت "لە مەودوا گرنگ نیەبژیت یان بمریت".


نیشانەکردن :

#ئوردن

Copyright © 2016 Xendan.org all rights reserved

designed and developed by AVESTA GROUP