"پەروەردە رەتیدەكاتەوە مامۆستا بێت"
هێرشی كۆمەڵێك عەشایەر بۆ سەر خێزانێك دەنگدانەوەی تۆڕە كۆمەڵایەتیەكانی لێدەكەوێتەوە

- 7/5/2019 6:46:00 PM 53307 جار خوێندراوەتەوە

خەندان-

بڵاوبونەوەی گرتە ڤیدیۆیەك لە تۆڕە كۆمەڵایەتیەكاندا، كە لە یەكێك لە قەزاكانی باشوری عێراق تۆماركراوە، دەنگۆیەكی زۆری بەدوای خۆیدا هێنا و بەوهۆیەو بەڕێوەبەرایەتی پەروەردەی ئەو قەزایە رونكردنەوەیەكی بڵاوكردەوە.

كەسوكاری خوێندكارێك هێرشدەكەنە سەر مامۆستایەك

 

 

گرتە ڤیدیۆیەك، كە بەپێی زانیاری تۆڕە كۆمەڵایەتیەكان، تێیدا ژمارەیەك كەس بە دار و تێڵاوە دەچنە بەردەم ماڵێك و هێرشدەكەنە سەر كەسێك، بوەتە هۆی مشتومڕێكی زۆر و لە تۆڕە كۆمەڵایەتیەكاندا ئاماژە بەوەكراوە ئەو ڤیدیۆیە لە قەزای هیت-ی سەر بە پارێزگای ئەنبار لە عێراق تۆماركراوە كە تێیدا كەسوكاری خوێندكارێك هێرشدەكەنە سەر مامۆستایەك و خێزانەكەی.

مامۆستاكە قۆپی بە خوێندكارەكەی گرتوە كاردانەوەی كەسوكاری بەو شێوازە بوە

 

 

بەپێی ئەو دەنگۆیانەی لە تۆڕە كۆمەڵایەتیەكاندا لەبارەی ئەو گرتە ڤیدیۆییەوە بڵاوكراوەتەوە، دوای ئەوەی مامۆستایەك قۆپی بە خوێندكارێك گرتوە، كەسوكاری خوێندكارەكە دەچنە بەردەم ماڵی مامۆستاكە و بە شێوازێكی زۆر توند لێی دەدەن، تەنانەت هاوسەر و منداڵەكانی مامۆستاكەش بەوهۆیەوە روبەروی توندوتیژی دەبنەوە.

ئەو زانیاریانەی تۆڕە كۆمەڵایەتیەكان دورن لە راستیەوە

 

 

دوابەدوای بڵاوبونەوەی ئەو دەنگۆیانە، بەڕێوەبەرایەتی پەروەردەی پارێزگای ئەنبار دوێنێ پێنجشەمە دەستبەجێ رونكردنەوەیەكی بڵاوكردەوە، تێیدا ئاماژەی بەوەكردوە "ئەو زانیاریانەی لەبارەی ئەو گرتە ڤیدیۆییە لە تۆڕە كۆمەڵایەتیەكان بڵاوكراوەتەوە دورن لە راستیەوە".

شەڕەكە بەهۆی كێشەی خانو و یەكەی نیشتەجێبونەوە رویداوە

 

 

راگەیەندراوە فەرمیەكەی پەروەردەی ئەنبار راشیگەیاندوە "ئەو روداوە پەیوەندی بە بەڕێوەبەرایەتی پەروەردەوە نیە و ئەو هێرشكردنە لەسەر كێشەی خانو و یەكەی نیشتەجێبون رویداوە".

 


نیشانەکردن :

#عێراق

Copyright © 2016 Xendan.org all rights reserved

designed and developed by AVESTA GROUP