خەندان خشتەی دابەشكردنی موچەی مانگی نیسان بڵاودەكاتەوە

- 7/2/2019 5:12:00 PM 254333 جار خوێندراوەتەوە

خەندان-

وەزارەتی دارایی و ئابوری حكومەتی هەرێمی كوردستان خشتەیەكی نوێی دابەشكردنی موچەی مانگی نیسانی راگەیاند.

سەرچاوەیەك لە وەزارەتی دارایی و ئابوری حكومەتی هەرێمی كوردستان بە خەندان-ی راگەیاند، بڕیارە بەپێی خشتەیەك لە رۆژی 7ی ئەم مانگەوە دابەشكردنی موچەی مانگی نیسانی 2019 دەستپێبكاتەوە و یەكەم شوێنیش دیوانی وەزارەتی پێشمەرگە و لیواکان موچە وەردەگرن.

خشتەی دابەشکردنی موچە:

ڕۆژی یەکشەممە ڕێکەوتی 2019/7/7 موچەی ئەم شوێنانە دابەشدەکرێت:

دیوانی وەزارەتی پێشمەرگە و لیواکان

ڕۆژی دوشەممە ڕێکەوتی 2019/7/8 مووچەی
یەکەکانی 70 و 80ی پێشمەرگە دابەشدەکرێت

ڕۆژی سێشەممە ڕێکەوتی 2019/7/9 موچەی

وەزارەتی پەروەردە دابەشدەکرێت

ڕۆژی چوارشەممە ڕێکەوتی 2019/7/10 موچەی
وەزارەتی دارایی دابەشدەکرێت

ڕۆژی پێنجشەممە ڕێکەوتی 2019/7/11 موچەی
وەزارەتی تەندروستی دابەشدەکرێت

ڕۆژی دوشەممە ڕێکەوتی 2019/7/15 موچەی ئەم شوێنانە دابەشدەکرێت:
وەزارەتی شەهیدان و ئەنفالكراوان
وەزارەتی کار و کاروباری کۆمەڵایەتی 
كەسوكاری شەهیدان و ئەنفالكراون
زیندانیە سیاسیەکان
کەمئەندامان

دوای تێپەڕبونی شەش مانگی ساڵی 2019 تا ئێستا وەزارەتی دارایی تەنها سێ موچەی ئەمساڵی دابەشکردوە، ئەوەش لەکاتێکدایە وەزارەتەکە بڕیاریداوە 30 رۆژ جارێک موچە دابەش بکات بەبێ پەیڕەوکردنی سیستمی پاشەکەوتی موچە.

وەزارەتی دارایی و ئابوری حکومەتی هەرێمی کوردستان بۆ دابەشکردنی موچە پشت دەبەستێت بە بڕی 378 ملیاری دیناری وەزارەتی سامانە سروشتییەکانی هەرێمی کوردستان و ئەو پارەیەی بەغدا مانگانە رەوانەی دەکات کە بڕەکەی 522 ملیۆن دۆلارە بە موچەی پێشمەرگەشەوە.






Copyright © 2016 Xendan.org all rights reserved

designed and developed by AVESTA GROUP