26 خوێندكاری خوێندنگەكەی گروپی كۆمپانیاكانی قەیوان لە ریزبەندی یەكەمەكەی هەرێمدان

- 6/25/2019 10:12:00 PM 3355 جار خوێندراوەتەوە

خەندان-

ئەمڕۆ کۆلێژەکانی یونایتد ساینس لە بارەی سەرکەوتنی خوێندکارەکانیان لە تاقیکردنەوەی نیشتیمانی لە كۆنگرەیەكی رۆژنامەوانیدا ئاشكرایكرد كە 26 خوێندكاری خوێندنگەكەی كۆمپانیاكانی قەیوان لە ریزبەندی یەكەمەكانی هەرێمدابون.

ئەمڕۆ کۆلێژەکانی یونایتد ساینس كە سەر بەگروپی كۆمپانیاكانی قەیوان-ە كۆنگرەیەكی رۆژنامەوانی ئەنجامدا.

لە كۆنگرەكەدا كە "تیمۆسی فیشەر" بەڕێوەبەری سەرتاسەری کۆمپانیای ستێرلینگ بۆ پەروەدە و فێرکردن، و "لاورا زۆوی هام" ڕاوێژکاری پەروەردەیی لە کۆمپانیای ستێرلینگ بۆ پەروەدە و فێرکردن خوێندکارە سەرکەوتوەکانی کۆلێژەکانی یونایتد ساینس و خانەوادەکانیان ئامادەیی بون، "میران عبدالحمید" بەڕێوەبەری گشتیی کۆلێژەکانی یونایتد ساینس سەرکەوتنەکانی خوێندکارەکانی بۆ میدیاکان ڕاگەیاند و پیرۆزبایی و سوپاس و پێزانینی خۆی ئاڕاستەی گشت خوێندکارە سەرکەوتوەکان کرد، هەوڵی زۆر و ماندونەناسانەی مامۆستایان و سەرپەرشتیارانی پەروەردەیی کۆلیژەکانی یونایتد ساینسی بەرزنرخاند.
خوێندکارە سەرکەوتوەکان سوپاس و پێزانینی خۆیان ئاڕاستەی مامۆستا و ستافی پەروەردەیی کۆلێژەکانی یونایتد ساینس کرد

 

لە كۆنگرە رۆژنامەوانیەكەدا، خوێندکارە سەرکەوتوەکان سوپاس و پێزانینی خۆیان ئاڕاستەی مامۆستا و ستافی پەروەردەیی کۆلێژەکانی یونایتد ساینس کرد و ڕۆڵی سەرەکی و گرنگی مامۆستا و سەرپەرشتیارانی کۆلێژەکانیان بە میدیاکاران ڕاگەیاند.

لەئێستادا کۆلێژەکانی یونایتد ساینس لە گەشەی بەردەوامدایەو هەوڵەكانیان بۆ پێشەنگایەتی خوێندكارەكانیان ساڵ بە ساڵ لە زیادبووندایە و بەپێی ئەنجامە بەراییەکان لەمساڵدا تەنها لە تاقیکردنەوەی وزاریدا 26 خوێندکار لە ڕیزبەندی خوێندکارە یەکەمەکانی سەر ئاستی هەرێمدان بۆ قۆناغی 12ی بنەڕەتی.

ڕیزبەندی سێ یەکەمەکەی سەر ئاستی هەرێم لە کۆلێژەکانی یونایتد ساینس بەم شێوەیە:
1- محەمەد عەلی عوسمان - یەکەم لەسەر ئاستی هەرێم (نیشتیمانی) 99.49 .
2- شایەن شەماڵ ئەبوبەکر- دووەم لەسەر ئاستی هەرێم (وزاری) 99.14 .
3- ژیاکۆ کاوە محەمەد - دووەم لەسەر ئاستی هەرێم (وزاری) 99.14 .
4- ژیر محەمەد رەسول - سێیەم لەسەر ئاستی هەرێم (وزاری) 98.86 .

 



Copyright © 2016 Xendan.org all rights reserved

designed and developed by AVESTA GROUP