هەواڵی ئەمڕۆ

"وەک کۆیلە کڕین و فرۆشتنیان پێکراوە "
مەسعود بارزانی لەگەڵ کچ و ژنانی ڕزگارکراو لە دەست داعش كۆدەبێتەوە

- 6/24/2019 11:34:00 PM 4480 جار خوێندراوەتەوە

خەندان-

ئەمڕۆ دوشەممە لە سەڵاحەدین مەسعود بارزانی سەرۆكی پارتی دیموكراتی كوردستان پێشوازی لە ژمارەیەک کچ و ژنی ڕزگاربوی دەستی داعش کرد، لە دیدارەکەدا کچ و ژنانی ڕزگارکراوی دەستی داعش باسی ئەو نەهامەتی و ئازارانەیان کرد کە لەماوەی مانەوەیان لەدەست تیرۆریستان توشیان بوە و وەک کۆیلە کڕین و فرۆشتنیان پێکراوە.
باس لە هەوڵەکان کرا بۆ ڕزگارکردنی کچ و ژنانی ئێزدی لەدەست داعش و ڕەوشی ئێستای ژیانی ئەو ڕزگارکراوانە و هەوڵەکان بۆ گەڕاندنەوەیان بۆ ژیانێکی ئاسایی

 

لە كۆبونەوەكەدا کە لەبارەگای بارزانی بەڕێوەچو باس لە هەوڵەکان کرا بۆ ڕزگارکردنی کچ و ژنانی ئێزدی لەدەست داعش و ڕەوشی ئێستای ژیانی ئەو ڕزگارکراوانە و هەوڵەکان بۆ گەڕاندنەوەیان بۆ ژیانێکی ئاسایی.

بەپێی راگەیەندراوێكی كۆبونەوەكە، كە وێنەیەكی گەیشتۆتە خەندان، "لەكۆبونەوەكەدا چەند ئامارێک خرانەڕو، لە کۆی 6417 کەس کە لەسەرەتای پەلاماری داعش بۆسەر شنگال کەوتبونە دەست تیرۆرستان، 3476 کەسیان ڕزگارکراون و تائێستاش 2491 کەس بێسەروشوێنن، ئەوەش هاتوە، " لەکۆی 3548 کچ و ژنی ئێزدی کە لەلایەن تیرۆریستانەوە ڕفێندرابون، تا ئێستا تواندراوە 1184 کەسیان ڕزگار بکرێن"

لە كۆبونەوەكەدا چەند کچ و ژنێک باسیان لەو نەهامەتی و ئازارانەکرد کە لەماوەی مانەوەیان لەدەست تیرۆریستان توشیان بوە

 

لە كۆبونەوەكەدا چەند کچ و ژنێک باسیان لەو نەهامەتی و ئازارانەکرد کە لەماوەی مانەوەیان لەدەست تیرۆریستان توشیان بوە و وەک کۆیلە کڕین و فرۆشتنیان پێ کراوە و لەڕوی دەرونی و جەستەییەوە ئازاردراون.

دواتر بارزانی ڕایگەیاند،"زۆرباش لە ئازار و مەینەتییەکانی ئێوە تێدەگەم و جارێکی دیکەش تەئکید دەکەمەوە ئێوە هێمای شەرەفی گەلەکەمانن، ئەوەشی وت، " تیرۆریستان بەو ڕەفتارە نامرۆڤانەیان بەرامبەر ئێوە هەم دڕندەیی خۆیان پیشان دا و هەم مەزڵومییەتی ئێوەیان سەلماند، بەڵام بە هەوڵ و گیانفیدایی پێشمەرگە تۆڵەی ئێوە کرایەوە و تیرۆریستان تێکشکان"

مەسعود بارزانی ڕاشیگەیاند، "لە ڕێگای پارلەمانی کوردستان و حکومەتی هەرێمەوە هەوڵدەدەین هەرچی پێویستە بۆ ئێوە بکرێت تا ژیانێکی ئاسایی بژین، دەشڵێت، " دۆخی ئێستای شنگال نابێ وا بمێنێتەوە و پێویستە ئیدارەی شنگال لەدەستی خەڵکی شنگالدا بێت و ئاوارەکان بتوانن بگەڕێنەوە شوێنی خۆیان"



Copyright © 2016 Xendan.org all rights reserved

designed and developed by AVESTA GROUP