پۆمپیۆ لەگەڵ شا سەلمان کۆبوەوە
" پێویستە ئاسایشی گەروی هورمز بەهێزتربکرێت"

- 6/24/2019 5:41:00 PM 1283 جار خوێندراوەتەوە

خەندان-
مایک پۆمپیۆی وەزیری دەرەوەی ئەمریکا گەشتێکی بەرەو وڵاتانی سعودیە و ئیمارات دەستپێکردو پاش گەشتنی بۆ سعودیە لەگەڵ شا سەلمان پادشای سعودیە کۆبوەوە و تاوتوێی گرژی و ئاڵۆزییەکانی ناوچەکە و پاراستنی ئاسایشی گەروی هورمزیان کرد.

بەپێی هەواڵێکی سکای نیوز، دوانیوەڕۆی ئەمڕۆ مایک پۆمپیۆی وەزیری دەرەوەی ئەمریکا لەمیانەی سەردانێکی بۆ وڵاتانی سعودیە و ئیمارات گەشتە ریازی پایتەختی سعودیە و لەگەل شاسەلمانی پادشای ئەو وڵاتە کۆبوەوە و تاوتوێی گرژی و ئاڵۆزییەکانی ناوچەکە و پاراستنی ئاسایشی گەروی هورمزیان کرد.

لەتویتێکدا پۆمپیۆ ئاشکرایکردوە هەردولا بەپێویستیان زانیوە ئاسایشی گەروی هورمز باشتربکەن.
دواتر وەزیری دەرەوەی ئەمریکا چاوی بە محمد بن سەلمان پادشا و بڕیاربەدەستی دیفاکتۆی سعودیە کەوتوە و لەنزیکەوە باسی بارودۆخی ناوچەکەیان کردوە.
پێویستە هاوپەیمانێتییەکی نێودەوڵەتی پێبهێنین

پۆمپیۆ بە رۆژنامەنوسانیشی راگەیاند " جەختمان لەسەر ئەوە کردۆتەوە کە پێویستە هاوپەیمانێتییەکی نێودەوڵەتی پێبهێنین کە تێیدا هەمو لایەک لەسەر یەک هێڵبن." 

لای خۆشیەوە بریان هوک نێردەی تایبەتی ئەمریکا بۆ ئێران جەختی کردەوە کە " روبەروبونەوەی سەربازی لەگەڵ ئێراندا بە بژاردەیەکی باش نازانن، بەڵام بەردەوام دەبن لەفشارەکانیان تا ئێران رەفتارەکانی خۆی لە رۆژهەڵاتی ناوەڕاستدا دەگۆرێت.

نیشانەکردن :

#سعودیە

Copyright © 2016 Xendan.org all rights reserved

designed and developed by AVESTA GROUP