بەهۆی وێنەیەكی شازادە هاری-ەوە
دادگایەكی بریتانیا چوار ساڵ زیندانی بەسەر گەنجێكدا دەسەپێنێت

- 6/19/2019 11:23:00 AM 15162 جار خوێندراوەتەوە

خەندان-

دادگای بریتانیا سزای چوار ساڵ زیندانی بەسەر گەنجێكدا سەپاند، كە پشتیوانی لە نازیەكان دەكات و رایگەیاندوە، "شازادە هاری بەرامبەر رەچەڵەكی خۆی ناپاكی ئەنجامداوە و هەڕەشەی لە ژیانی هاری كردوە".

دادگایەکی بریتانیا دوێنێ سێشەممە بە تۆمەتی پشتگیریكردن لە تێرۆر و رەگەزپەرستی سزای چوار ساڵ زیندانی بەسەر گەنجێكدا سەپاند، ئەوەش دوای ئەوەی كە وێنەیەكی شازادە هاری بڵاوكردوەتەوە و تیایدا بەهۆی هاوسەرگیریكردنی لەگەڵ مێگان مێركڵ، ئەكتەری پێشوی ئەمریكی هەڕەشەی لێدەكات.

میخال شیفجوك، كە تەمەنی 19 ساڵە، وەك بانگەشەیەك بۆ رەوتی نازی رەگەزپەرست وێنەیەكی شازدە هاری، بڵاوكردوەتەوە و لە وێنەكەدا دەمانچەیەك ئاڕاستەی سەری هاری كراوە، لەسەر وێنەكەش نوسویەتی، "دواتر دەتبینمەوە ئەی ناپاك بەرامبەر بە رەچەڵەكی خۆت".

ئەو وێنەیەش پاش چەند مانگێك لە هاوسەرگیریەكەی نێوان شازادە هاری، شازادەی شانشینی بریتانیا و مێگان مێركڵ، خانمە ئەكتەری پێشوی ئەمریكی، كە دایكی بە رەگەز ئەفریقیە و باوكی سپی پێستە.

شیفجوك لەگەڵ ئۆسكار دۆن كوتشوروفسكی تەمەن 18 ساڵ كە لە كارەكەدا هاوبەشیكردوە و هاوڕێی یەكدین و هەردوكیان بە رەگەز خەڵكی پۆڵەندان، دانیان بەوەدا ناوە كە پشتگیری لە توندڕەوی دەكەن، شیفجوك–یش دانی بەوەداناوە كە خاوەنی كۆمەڵێك ماددەیە كە دەتوانرێت لە پلانی كارە توندڕەوی و تێرۆریستیەكاندا بەكاربهێنرێت.

بەوهۆیەوە دادگای بریتانیا سزای چوار ساڵ و سێ مانگ زیندانی بەسەر شیفجوك-دا سەپاند، لەكاتێكدا سزای 18 مانگ زیندانی بەسەر ئۆسكار-ی هاوڕێیدا سەپاند.

شازادە هاری، لە دایكبوی ساڵی 1984ەو دوەمین شازادەی جێنشینی شانشینی یەكگرتوی بریتانیایە، كە لە ئایاری ساڵی رابردودا لەگەڵ مێگان ماركڵ، ئەتەری پێشوی ئەمریكی هاوسەرگیری ئەنجامداوە.

مێگان ماركڵ، بە رەگەز ئەمریكی و لە دایكبوی ساڵی 1981ە، چالاكوانی بواری ژنان و كۆمەڵایەتیە و لە ماوەی رابردودا لە چەندین زنجیرە فیلمی ئەمریكیدا رۆڵی بینیوە، لە ئێستادا شازادەی ساسكس-ی بریتانیا و هاوسەری شازادە هاری-ە.


Copyright © 2016 Xendan.org all rights reserved

designed and developed by AVESTA GROUP