بەپەلە

ئەردۆغان: چاوەڕێدەکەم مانگی داهاتو سیستمی بەرگری موشەکی روسیا بگاتە تورکیا

- 6/16/2019 2:50:00 PM 2522 جار خوێندراوەتەوە

خەندان-
رەجەب تەیب ئەردۆغانی سەرۆکی تورکیا رایگەیاند چاوەڕێدەکات سەرەتای مانگی داهاتو بەرنامەی رەوانەکردنی سیستمی بەرگری موشەکی (S-400)ی بۆ وڵاتەکەی دەستپێبکات.
 
بەپێی هەواڵێکی ئەل عەرەبیە، ئەمڕۆ یەکشەمە رەجەب تەیب ئەردۆغانی سەرۆکی تورکیا رایگەیاند چاوەڕێدەکات سەرەتای مانگی داهاتو بەرنامەی رەوانەکردنی سیستمی بەرگری موشەکی (S-400)ی بۆ وڵاتەکەی دەستپێبکات. 

پرسی کڕینی سیستمی بەرگری موشەکی (S-400)ی روسی لەلایەن تورکیاوە ئەمریکای توڕە کردوە و هەڕەشەی سەپاندنی سزای زیاتر لەو وڵاتە دەکات، هاوکات ئەمریکا پێشیوایە ئەوە پێچەوانە پرنسیپەکانی رێکخراوی ناتۆیە.

ئەردۆغان لەکاتی گەڕانەوەی لە تاجیکستان لەلێدوانێکیدا بۆ رۆژنامەنوسان جەختی لەسەر ئەوە کردەوە کە ئەو بابەتەیان لەگەڵ روسیا تاوتوێکردوە و " بەبێ شک و گومان سیستمی بەرگری موشەکی (S-400) جێگیردەکەن ".

ئەمە لەکاتێکدایە سەرەتای ئەم مانگە پاتریک شانهان وەزیری بەرگری ئەمریکا بە وەکالەت رایگەیاند تورکیا لەبەرنامەی فرۆکەی (F-35) دەکرێتە دەرەوە و چالاکی راهێنانی فرۆکەوانەکانیشی بەتەواوەتی رادەگیرێت ئەگەر پابەند نەبێت بەراگرتنی بەرنامەی کڕینی سیستمی بەرگری موشەکی (S-400).

سەرۆکی تورکیا ئەوەشی ئاشکراکرد لەلوتکەی گروپی (20) ئەو بابەتە لەگەڵ دۆناڵد ترەمپی سەرۆکی ئەمریکا تاوتوێدەکات.

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP