دو کەس لە روداوێکی هاتوچۆدا گیانیان لەدەستدا

- 6/16/2019 2:42:00 PM 10992 جار خوێندراوەتەوە

خەندان-

بەڕێوەبەرایەتی هاتوچۆی گەرمیان رایگەیاند، لە روداوێکی هاتوچۆدا دو کەس گیانیان لەدەستدا و دو کەسی دیکەش برینداربون.

راگەیاندنی بەڕێوەبەرایەتی هاتوچۆی گەرمیان لە راگەیەندراوێکدا بڵاویکردەوە، بەیانی ئەمڕۆ یەکشەممە بەهۆی پێکدادانی دو ئۆتۆمبێلەوە لە جۆری پیکاب و کیا دو کەس گیانی لە دەستداو دو کەسی دیکەش برینداربون.

ئاماژەی بەوەشکرد، روداوەکە لەسەر رێگای کەلار خانەقین لە نزیک گوندی مێخاس ڕویداوە و بریندارەکانیش گەیەنراونەتە نەخۆشخانە.

ئەوە دوەم روداوی هاتوچۆیە لەمڕۆدا گیان لەدەستدانی لێدەکەوێتەوە دوای ئەوەی بەیانی ئەمڕۆ ئۆتۆمبێلێكی بارهه‌ڵگر له‌ رێگای شه‌گێڕاوه‌- كۆیه‌ وه‌رگه‌ڕاوە و بەهۆیەوە شۆفێرەکە گیانی لەدەستدا.



Copyright © 2016 Xendan.org all rights reserved

designed and developed by AVESTA GROUP