بریتانیا هێزێکی سەربازی رەوانەی کەنداو دەکات

- 6/16/2019 10:44:00 AM 4318 جار خوێندراوەتەوە

خەندان-

سەرچاوەیەکی سەربازی بریتانیا بە رۆژنامەی سەندەی تایمزی راگەیاندوە، بریتانیا بڕیاریداوە 100 سەربازی سەر بە هێزەکانی شاهانەی دەریایی رەوانەی کەنداو بکات.

بەپێی رۆژنامەی سەندەی تایمزی بریتانی، پاش هێرشی سەر دو کەشتی نەوتهەڵگر لەکەنداوی عومان، هێزی سەربازی بریتانیا ببڕیاریدا 100 سەربازی هێزی شاهانەی دەریایی وڵاتەکەی بەمەبەستی پاراستنی کەشتییە بەریتانیەکان رەوانەی کەنداو بکات.

سەرچاوە سەربازییەکە رونیکردۆتەوە ئەو هێزە لە 42 فەرماندەیی جیاواز ئامادەکراوە و هێزێکی وەڵادەرەوەی خێرا دەبێت لەژێر ناوی " گروپی ئامانجی تایبەت".

رەوانەکردنی ئەو هێزە لەکاتێکدایە کە ئێران و وڵاتانی رۆژئاوا لەلێواری بەریەکەوتنی توندان و بریتانیا دەیەوێت پاراستنی کەشتییە جەنگییەکانی خۆی لەناوچەکە بەهێزتربکات.

لەلایەکی ترەوە بریتانیا لەسەر ئاستی هەواڵگری و سەربازی لێکۆڵینەوە لە روداوی هێرشەکەی ئەمدواییەی کەنداو بۆسەر دو کەشتی نەوتهەڵگر دەکات کە بریتانیا و ئەمریکا ئێرانیان بە ئەنجامدەری ئەو هێرشە تۆمەتبار کردوە.


نیشانەکردن :

#به‌ریتانیا

Copyright © 2016 Xendan.org all rights reserved

designed and developed by AVESTA GROUP