کارنامەکەی بۆ لایەنەکان روندەکاتەوە
مەسرور بارزانی لەگەڵ مەکتەبی سیاسی حزبەکەی کۆدەبێتەوە

- 6/16/2019 9:54:00 AM 1411 جار خوێندراوەتەوە

خەندان-

مەسرور بارزانی، راسپێردراو بۆ پێکهێنانی کابینەی نوێی حکومەت ئەمڕۆ لەگەڵ مەکتەبی سیاسی حزبەکەی کۆدەبێتەوەو پلانەکانی بۆ پێکهێنانی کابینەکە ئاشکرا دەکات.

بەپێی زانیاریەکانی خەندان، ئەمڕۆ مەسرور بارزانی، راسپێردراو بۆ پێکهێنانی کابینەی نوێی حکومەت لەگەڵ مەکتەبی سیاسی پارتی کۆدەبێتەوە، ئەوەش دوای ئەوەی دوێنێ لەگەڵ شاندنی دانوستانکاری حزبەکەی کۆبوەوە و پلانیان بۆ دەستپێکردنی گفتوگۆکان دانا.

هەربەپێی زانیاریەکان لەم هەفتەیەدا مەسرور بارزانی سەردانی سلێمانی دەکات و لەگەڵ یەکێتی نیشتمانی کوردستان و بزوتنەوەی گۆران کۆدەبێتەوە و کارنامەکەی بۆ لایەنەکان روندەکاتەوە و پلانی چوار ساڵی داهاتوی بۆ بەڕێوەبردنی کابینەکە ئاشکرا دەکات.

12ی ئەم مانگە، نێچیرڤان بارزانی، سەرۆکی هەرێمی کوردستان بە مەرسومێك مەسرور بارزانی راسپارد بۆ پێکهێنانی کابینەی نۆیەمی حکومەتی هەرێمی كوردستان.

سەرۆکی راسپێردراوی حکومەتی هەرێمی کوردستان یەک مانگی لەبەردەستدایە بۆ دیاریکردنی پێکهاتەی کابینەی حکومەتەکەی و بڕیاریشە سبەی لەگەڵ یەکێتی و گۆڕان لە سلێمانی کۆببێتەوە.


Copyright © 2016 Xendan.org all rights reserved

designed and developed by AVESTA GROUP