هەواڵی ئەمڕۆ

بەپەلە

رامۆس رۆناڵدۆ پشت گوێ دەخات

- 6/13/2019 2:33:00 PM 2145 جار خوێندراوەتەوە

خەندان-
 
سێرجیۆ رامۆسی ئیسپانی و یاریزانی یانەی ریاڵ مەدرید بەمنزیكانە ئاهەنگی هاوسەر گری ئەنجام دەدات، بەڵام ئەو یاریزانە رۆناڵدۆی هاوڕێی پشت گوێ دەخات و بانگهێشتی ئاهەنگەكەی ناكان.

رۆژنامەی دەیلی مەیل بەریتانی لە هەواڵێكیدا ئاشكرایكردوە، رۆژی شەممەی داهاتو لە شاری ئیشبیلیە سێرجیۆ رامۆسی كاپتنی یانەی ریال مەدرید و هەڵبژاردەی ئیسپانیا ئاهەنگی هاوسەرگیری ئەنجام دەدات و ئەو كەسانەی بانگهێشتی كردون ئاگاداری كردونەتەوە، بەڵام ئەوەی چاوەڕوان نەكراو بو ئەو یاریزانە هاوڕێی پێشوی تیمەكەی كریستیانۆ رۆناڵدۆی بانگهێشت نەكردوە.

رامۆس لەگەڵ بیلار رۆبیۆی خانمە پێشكەشكار ئاهەنگێكی گەورە سازدەكەن و زیاد لە 500 كەسایەتی بانگهێشتی ئەو ئاهەنگە دەكرێت، كە چەندین كەسایەتی وەرزشی و دۆستانی هەردولا لە خۆدەگرێت.

ئەوەی لای میدیاكان جێگەی تێڕامانە ئەوەیە كە ئەو یاریزانە هاوڕێیەكی نزیكی وەك رۆناڵدۆی بانگهێشت نەكردوە كە 9 ساڵ پێكەوە یاریان كردوە، بەڵام جیرارد پیكی و شاكیرای بانگهێشت كردوە هەرچەندە زۆرجار لەگەڵ ئەو یاریزانە لێدوانی دژ بە یەكتر دەدەن.  


Copyright © 2016 Xendan.org all rights reserved

designed and developed by AVESTA GROUP