کەشتیە بارهەڵگرە زەبەلاحەکان لە کەنداوی عومان روبەڕوی هێرش بونەوە

- 6/13/2019 9:34:00 AM 9209 جار خوێندراوەتەوە

خەندان-

بەپێی ئاژانسی ئەسۆشییەیتد پرێس، چەند کەشتییەکی بارهەڵگری زەبەلاح لە کەنداوی عومان روبەڕوی هێرش بونەتەوە.

لای خۆشییەوە رۆیتەرز بڵاویکردەوە کە دو کەشتی نەوت هەڵگر بەهۆی روداوێکەوە بەتاڵکراون، بەڵام ستافی کەشتییەکان سەلامەتن.

رۆیتەرز ئەوەشی زانیوە دو کەشتییەکە یەکێکیان ئاڵای پاناما و ئەوی دیکەشیان ئاڵای ئاسلاندی هەڵگرتوە، تا ئێستاش زانیاری تەواو لەبارەی زیانەکانی ئەو دو کەشتیە و چۆنیەتی روداوەکە لەمیدیاکان بڵاونەکراوەتەوە.

دەستەی دەریایی بریتانی لە کەنداو پێشتر هۆشداری دابو لە روداوێکی مەترسیدار کە روبەڕوی کەشتیە بار هەڵگرە زەبەلاحەکان دەبێتەوە لەو ناوچەیە.

هاوکات، بەپێی نیویۆرک تایمز، رێکخراوی ئۆپەراسیۆنە دەریاییە بریتانیەکانی بریتانیاش  پێشوەختە هۆشداری دابو لە ئەگەری روداوێک بۆ سەر کەشتیە بار هەڵگرە زەبەلاحەکان لە کەنداوی عومان.

میدیاکانی ئێرانیش بڵاویانکردوەتەوە، تەقینەوەیەک لە کەنداوی عومان چەند تانکەرێکی نەوتی کردوەتە ئامانج، بەبێ ئەوەی رونکردنەوەی زیاتر بڵاوبکەنەوە. 


نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP