خەندان وێنەی ئەو دو گەنجە بڵاودەكاتەوە كە ئێوارەی ئەمڕۆ لە روداوێكی هاتوچۆ گیانیانلەدەستدا

- 6/12/2019 10:02:00 PM 67246 جار خوێندراوەتەوە

خەندان-

کاتژمێر 6:30 خوله‌كی ئێوارەی ئەمڕۆ، بەهۆی روداوێكی هاتوچۆوە لە سنوری قەزای ئاكرێ، دوكەس گیانیان لەدەستدا و دوانی دیكەش برینداربون.

سەرچاوەیەك لە نەخۆشخانەی فریاكەوتنی ئاكرێ بە خەندان-ی راگەیاند،" لە دوڕیانی کۆمەڵگای خەلیلکانی سەر بە قەزای ئاکرێ، ئەم ئێوارەیە ئۆتۆمبێلێك لە جۆری پیكاب هیلۆكس وەرگەڕاو بەو هۆیەوە دو كەس گیانیان لەدەستداو دوانی دیكەش برینداربون.

وتیشی، هەر چوار قوربانییه‌كه‌ خەڵکی ناحیەی قەسرۆکی سەر بە قەزای شێخانن، یەكێك لەو گەنجانەی گیانی لەدەستداوە و 22 ساڵە و گەنجەكەی دیكەش 26 ساڵە و بە وتەی سەرچاوەكەش برینداری دو كەسەكەی دیكە سەختە.

 

 



Copyright © 2016 Xendan.org all rights reserved

designed and developed by AVESTA GROUP