بۆ وەرگرتنی سەرۆکایەتی ئەوروپا، ماکرۆن پشتیوانی مێرکل دەکات

- 6/12/2019 8:15:00 PM 3663 جار خوێندراوەتەوە

خەندان-
ئیمانیۆل ماکرۆنی سەرۆکی فەرەنسا، بۆ وەرگرتنی پۆستی سەرۆکایەتی یەکێتی ئەوروپا، پشتیوانی خۆی بۆ ئەجێلا مێرکلی راوێژکاری ئەڵمانیا دەربڕی و رایگەیاند " ئەوروپا پێویستی بەکەسایەتییەکی بەهێزی وەک مێرکل هەیە." 

مانگی تشرینی یەكەمی داهاتو كۆتایی بە چوار پۆستی یەكێتی ئەوروپا دێت و سەرۆكی فەرەنساش پشتگیریی و پشتوانی خۆی بۆ ئەنجێلا مێركڵ دوپات دەكاتەوە ئەگەر خۆی بۆ سەۆكایەتی یەكێتی ئەوروپا كاندید بكات.
ئەوروپا پێویستی بەكەسایەتی بەهێزی وەك مێركڵ هەیە

ئیمانوێڵ ماكرۆنی سەرۆكی فەرەنسا لەگفتوگۆیەكی لەگەڵ كەناڵی ئاڕ، تی، ئێسی سویسری لەوەڵامی ئەو پرسیارەی كە ئەگەر ئەنجیلا مێركڵ لەدوای جان كلود یونكر خۆی بۆ سەرۆكایەتی كۆمسیاری یەكێتی ئەوروپا كاندید بكات پشتگیری دەكات، لەوەڵامدا سەرۆكی فەرەنسا ڕایگەیاند: بەڵێ بەدڵنیاییەوە چونكە ئەوروپا پێویستی بەكەسایەتی بەهێزی وەك مێركڵ هەیەو ئەویش یەكێكە لەكەسە بەئەزمون و بەتواناكان.

وابڕیارە كۆتایی مانگی تشرینی یەكەمی داهاتو سەرۆكی كۆمسیاران و پەرلەمان و ئەنجومەن و بەرپرسی سیاسەتەكانی دەرەوەی یەكێتی ئەوروپا كۆتایی بە پۆستەكانیان بێت و لەناو ئەو چوار پۆستەشدا دوانیان بۆ ژنان دەبێت و مێركڵیش یەكێكە لەبەربژێرەكان.

نیشانەکردن :

#فه‌ڕه‌نسا

Copyright © 2016 Xendan.org all rights reserved

designed and developed by AVESTA GROUP