ئەستێرە نوێكەی ریاڵ مەدرید مەدریدیەكان توڕە دەكات

- 6/12/2019 9:00:00 AM 5033 جار خوێندراوەتەوە

خەندان-

ئەستێرە نوێكەی یانەی ریاڵ مەدریدی ئیسپانی ئیدین هازارد رەتیدەكاتەوە كە لەگەڵ لیۆنێل مێسی یاریزانی یانەی بەرشەلۆنە بەراورد بكرێت و پێی وایە جیاوازییەكی زۆر هەیە لە نێوانیاندا.

رۆژنامەیەك پرسیاری ئەوەی لە هازارد كردوە كە دەكرێت لەگەڵ مێسی یاریزانی یانەی بەرشەلۆنە بەراورد بكرێت، لەوەڵامدا ئەو یاریزانە بەلژیكییە وتویەتی، "ئەوە مەحاڵە".
 مێسی لە هەموو یارییەك گۆڵ تۆمار دەكات و من ناتوانم بەو شێوەیە دەربكەوم

 

هازارد لە بارەی مێسی-یەوە دەڵێت، "من و مێسی باڵامان و خێرایمان وەك یەكە، بەڵام هەرگیز توانای یاریكردنمان وەك یەك نیە، چونكە مێسی لە هەموو یارییەك گۆڵ تۆمار دەكات و من ناتوانم بەو شێوەیە دەربكەوم و ئەو توانایەم نیە ركابەری ئەو یاریزانە بكەم، چونكە مێسی باشترین یاریزانە لە مێژوی تۆپی پێداو هیچ یاریزانێك لە ئاست و توانای ئەو یاریزانەدا بێت".
ناكرێت هیچ یاریزانێك له‌ ریزی مێسی دابنرێت

 

ئاماژەی بەوەشکرد، "ناكرێت هیچ یاریزانێك له‌ ریزی مێسی دابنرێت، بێگومان بە هیچ یاریزانێك بەراورد ناكرێت".

ئەو وتانەی هازارد بوەتە هۆكارێك بۆ توڕەبونی هاندەرانی یانەی ریاڵ مەدرید، چونكە هاندەرانی مێرەنگی هێشتا پێیان وایە كریستیانۆ رۆناڵدۆ باشترین یاریزانە لە مێژوی تۆپی پێی ئیسپانیاو جیهاندا.


Copyright © 2016 Xendan.org all rights reserved

designed and developed by AVESTA GROUP