بەپەلە

کرملن: مانگی داهاتو سیستمی بەرگری موشەکی رادەستی تورکیا دەکەین

- 6/11/2019 4:16:00 PM 2532 جار خوێندراوەتەوە

خەندان-
کۆشکی کرملن رایگەیاند مانگی تەموزی داهاتو سیستمی بەرگری موشەکی (S-400) رادەستی تورکیا دەکەن.

بەپێی هەواڵێکی ئاژانسی هارتس، ئەمڕۆ سێشەمە یوری یوشاکۆف جێگری بەڕێوەبەری کرملن رایگەیاند روسیا مانگی تەموزی داهاتو سیستمی بەرگری موشەکی (S-400) رادەستی تورکیا دەکات.

رێکەوتنی تورکیا بۆ کڕینی سیستمی بەرگری موشەکی (S-400) لەگەڵ روسیا ویلایەتە یەکگرتوەکانی ئەمریکای توڕەکردوە و هەڕەشەی دورخستنەوەی تورکیا لەپڕۆگرامی فڕۆکەی ( F-35) دەکات.

رۆژی دوشەمەی رابردوش بەرپرسانی کۆشکی سپی رایانگەیاند راهێنانی فڕۆکەوانەکانی تورکیایان راگرتوە. 

هەفتەی رابردوش جارێکی دیکە بەرپرسانی کرملن جەختیان لەسەر ئەوەکردوە کە لەماوەی دومانگی داهاتودا سیستمی بەرگری موشەکی رادەستی تورکیا دەکەن.


نیشانەکردن :

#روسیا

Copyright © 2016 Xendan.org all rights reserved

designed and developed by AVESTA GROUP