خێرایی لەناوچونیان مەترسیدارە
توێژینەوەیەك: روەكە جیاوازەكان مەترسی لەناوچونیان لەسەرە

- 6/11/2019 3:28:00 PM 2942 جار خوێندراوەتەوە

خەندان-

بەپێی لێكۆڵینەوەیەكی گشتگیر، لە 250 ساڵی رابردوەوە تا ئێستا، نزیكەی 600 جۆر روەكی جیاواز لەناوچون.

لێكۆڵینەوەیەكی ورد لەبارەی لەناوچونی روەكەكان دەریدەخات، بەپێی زانیاری دروست لەسەر ژمارەی ئەو روەكانەی لەناوچون، رێژەی لەناوچونی جۆرە جیاوازەكانی روەك دوو هێندەی لەناوچونی سەرجەم باڵدارەكان و شیردەرەكان و ئاژەڵە دوو ژینگەییەكان دەبێت.

بە وتەی زاناكان، لەناوچونی روەكەكان سەرو 500 جار خێراتەر لەو خێراییەی بە شێوەیەكی سروشتی پێشبینیكراوە.



زاناكانی باخچەكانی رۆیال بۆتانیك و زانكۆی ستۆكهۆڵم بۆیان دەركەوتوە، لەماوەی دو سەدە و نیوی رابردودا 571 جۆری جیاوازی روەكەكان روبەڕوی لەناوچون بونەتەوە، ئەو ژمارەیەش زیاترە لە دو هێندەی باڵدار و شیردەر و ئاژەڵە دوو ژینگەییەكانە.

بە گوێرەی توێژەرەوەكان، ئەو ژمارەیەی كە بڵاوكراوەتەوە كەمترە لە رێژە دروست و راستەقینەكانی لەناوچونی جۆرە جیاوازەكانی روەك، ئەوەش بۆ تەواوی زیندەوەران مەترسیدارە چونكە، ژیانی سەر زەوی پابەندە لەسەر روەكەكان، چونكە رێژەی ئۆكسجین بۆ هەناسەدان و خواردن دابیندەكات.



لەناوچونی روەكەكان دەبێتە هۆی زنجیرەیەك لەناوچونی ئەو زیندەوەرانەی دیكە كە پەیوەستن بە روەكەكانەوە، بۆ نمونە مێروەكان بە مەبەستی دەستەبەركردنی خواردن و دانانی هێلكەكانیان پشت بە روەكەكان دەبەستن.

بە مەبەستی رێگریكردن لە لەناوچونی روەكەكان، توێژەرەوە و زاناكان داوادەكەن "هەنگاوی بەپەلە بنرێت و سەرجەم روەكەكانی جیهان تۆماربكرێن ، هاوكات منداڵەكان فێربكرێن روەكە ناوخۆیەكانی وڵاتەكەیان بناسنەوە".


نیشانەکردن :

#زانستیی

Copyright © 2016 Xendan.org all rights reserved

designed and developed by AVESTA GROUP