ئێران یەکەم رۆژی جەژنی رەمەزانی دیاریکرد

- 6/3/2019 1:10:00 PM 44132 جار خوێندراوەتەوە

خەندان-

ئەندامێکی دامەزراوەی بینینی مانگی ئێران رایگەیاند، رۆژی سێشەممە تەواوکاری مانگی رەمەزانە و رۆژی چوارشەممەش یەکەم رۆژی جەژنی رەمەزانە.

عەلی رەزا موەحیدنەژاد، ئەندامی دامەزراوەی بینینی مانگی سەر بە نوسینگەی رابەری کۆماری ئیسلامی ئێران رایگەیاند، بەگوێرەی پێشبینی زانایانی ئاینی رۆژی سێشەممە تەواوکاری مانگی رەمەزانە و رۆژی چوارشەممە دەبێتە یەکەمین رۆژی مانگی شەوال کە دەکاتە یەکەم رۆژی جەژن.

ئاماژەی بەوەشکرد، بەگوێرەی پێشبینی زانایانی ئاینی رۆژی سێشەممە تەواوکاری مانگی رەمەزانە و رۆژی چوارشەممە دەبێتە یەکەمین رۆژی مانگی شەوال کە دەکاتە یەکەم رۆژی جەژن.

ئەندامەکەی دامەزراوەی بینینی مانگی ئێران راشیگەیاند، زیاتر لە 100 گرووپی شارەزای بینینی مانگ لە چەندین ناوچەی جیاوازی وڵات جێگیرکراون بۆ بینینی مانگ لە کاتی ئاوابوونی خۆری رۆژی سێشەممە، 29ی مانگی رەمەزان.

تا ئێستا عەرەبستانی سعودیە بڕیاری لەبارەی یەکەم رۆژی جەژنی رەمەزانەوە نەداوە و ئێوارەی ئەمڕۆش لیژنەی باڵای بینینی مانگ لە وەزارەتی ئەوقاف و کاروباری ئاینی هەرێم بۆ بڕیاردان لە یەکەم رۆژی جەژن کۆدەبێتەوە.

لیژنەی باڵای بینینی مانگ لە وەزارەتی ئەوقاف لە رونکردنەوەیەکدا رایگەیاندوە، "تەنها لیژنەی باڵای بینینی مانگ دەسەڵاتی دیاریکردنی یەکەم رۆژی جەژنی رەمەزانی پیرۆزی هەیە، بۆ ئەو مەبەستە لیژنەکە پشت بە راو بۆچونی هیچ کەس یان هەر رایەکی تری وڵاتان و دەزگاکانی فەلەک ناسی نابەستێت".


Copyright © 2016 Xendan.org all rights reserved

designed and developed by AVESTA GROUP