بەوێنە؛ بەیانییەک بەئاگا هاتن تیمساحێكی گەورە لە ماڵەکەیاندا بو

- 6/3/2019 11:22:00 AM 25762 جار خوێندراوەتەوە

خەندان-
لە ویلایەتی فلۆریدا سەر بە ویلایەتە یەكگرتوەكانی ئەمریكا، لە بەیانیەكی زودا تیمساحێك چوەتە ناو ماڵێكەوە و خاوەن ماڵەكە بە ناچاری بە مەبەستی دەركردنی تیمساحەكە پۆلیسی ئاگاداركردوەتەوە.
لە بەرەبەیانێكی زودا تیمساحەكەیان لە چێشتخانەی ماڵەكەیاندا بینیوە

 

بەپێی راگەیەندراوێكی پۆلیسی فلۆریدا، "دانیشتوانی ئەو ماڵە لە بەرەبەیانێكی زودا تیمساحەكەیان لە چێشتخانەی ماڵەكەیاندا بینیوە، تیمساحەكە شوشەی پەنجەرەی چێشتخانەكەی شكاندوە و لەو رێگەیەوە چوەتە ناو ماڵەكەوە".

درێژی تیمساحەكە سێ مەتر و 35 سانتیمەتر بوە 

 

ئاماژە بەوەشكراوە، "درێژی ئەو تیمساحە كە چوەتە ماڵی ئەو دانیشتوەی فلۆریدا، سێ مەتر و 35 سانتیمەتر بوە و بە هۆی ئەوەی ئاستی پەنجەرەكانی چێشتخانەكەیان نزمبوە توانیویەتی بچێتە ناو ماڵەكەوە".

بەگوێرەی وتەی شایەتحاڵێكیش، پێش ئەوەی بچێتە ناو یەكێك لە ماڵەكانەو، ئەو تیمساحە لە شەقامەكاندا بینراوە.

دوای ئەوەی پۆلیسی ناوچەكە گەیشتوەتە شوێنی مەبەست توانیویانە بێ ئەوەی هیچ زیانێكی گیانی بدات ئەو ئاژەڵە دەستگیر بكەن

 

دوای ئەوەی پۆلیسی ناوچەكە گەیشتوەتە شوێنی مەبەست توانیویانە بێ ئەوەی هیچ زیانێكی گیانی بدات ئەو ئاژەڵە دەستگیربكەن، سوزان لیندنموس، بەڕێوەبەری كاروباری گشتی بۆ رزگاركردن رایگەیاند "تیمساحەكە زۆر توڕە بوە و چالاكیەكە ماوەی 15 خولەكی خایاندوە".

لیژنەی پاراستنی ماسی و گیاندارانی ئاوی لە ویلایەتی فلۆریدا رایانگەیاند، دوای ئەوەی ئەو ئاژەڵە پەنجەرەكەی شكاندوە، شوشە شكاوەكان بونەتە هۆی برینداركردنی ئاژەڵەكە بەو هۆیەوە بە مەبەستی چارەسەركردن گەیەندراوەتە شوێنی تایبەت، راشیگەیاند ئەو جۆرە تیمساحە بەو درێژیە، جۆرێكی دەگمەنە.



Copyright © 2016 Xendan.org all rights reserved

designed and developed by AVESTA GROUP