شاناز ئیبراھیم ئەحمەد: دەبێت هەمومان داوای نوێبونەوەی یەکێتی بکەین

- 6/1/2019 9:37:00 AM 2879 جار خوێندراوەتەوە

خەندان-

شاناز ئیبراھیم ئەحمەد رایگەیاند، یەکێتی ھەمیشە حزبی جەماوەر بوە و کاری بۆ نوێبونەوە کردوە و "دەبێت هەمومان داوای نوێبونەوەی یەکێتی بکەین".

شاناز ئیبراھیم ئەحمەد لە یادی 44 ساڵەی دامەزراندنی یەکێتیی نیشتمانی کوردستاندا لە لەسەر مەزاری مام جەلال مۆمی تەمەنی یەکێتی داگیرساند رایگەیاند، "پیرۆزبایی لە هەمو تاکێکی یەکێتی دەکەم و ئێمە ھاتووین سەری رێز و نەوازش دوبارە بۆ مام دانەوێنین و بەڵێن بدەین".

داوا لە هەمو کادر و ئەندام و لایەنگرانی یەکێتی نیشتیمانی کوردستان دەکەم هەمویان پێکەوە داوای بەستنی نوێبونەوەی یەکێتی بکەن

 

ئاماژەی بەوەشکرد، "ئێمە وەکو کەسانی دیکە بەڵێن نادەین، بەڵێنی ئێمە راستەقینەیە داوا لە هەمو کادر و ئەندام و لایەنگرانی یەکێتی نیشتیمانی کوردستان دەکەم هەمویان پێکەوە داوای بەستنی نوێبونەوەی یەکێتی بکەن، کاتییەتی، تێشپەڕیوە کاتەکەی، دەبێت هەر هەمومان یەک رەنگ و یەک دەنگ، دەستی یەکتر بگرین و داوای نوێبونەوەی حزبی شەهیدان بکەین". 

پێویستە هەموان یەکێـی بگەڕێنینەوە ئەو شوێنەی کە شایستەیەتی

 

شاناز ئیبراھیم ئەحمەد جەختیکردەوە، "پێویستە هەموان یەکێـی بگەڕێنینەوە ئەو شوێنەی کە شایستەیەتی، بیگەڕێنینەوە ئەو شوێنەی کە بڕیاردەر بێت، جارێکی دیکە بیگەڕێنینەوە بۆ ناو جەماوەر بۆ ناو خەڵک و ماڵی کەسوکاری شەهیدان".


نیشانەکردن :

#یەکێتی

Copyright © 2016 Xendan.org all rights reserved

designed and developed by AVESTA GROUP