ئێران رێرەوی نوێی دروستکردوە بۆ بە قاچاخبردنی نەوت و چەک

- 5/24/2019 8:23:00 PM 12787 جار خوێندراوەتەوە

خەندان-

ئەنجومەنی نیشتیمانی بەرخۆدانی ئێران رایدەگەیەنێت، حکومەتی ئێران لەرێگەی خاڵە سنورەکانی سوریا-عێراق رێڕەوێکی نوێی دروستکردوە بۆ بەقاچاخبردنی نەوت و چەک لە خاکی ئەو وڵاتەوە بۆ وڵاتانی رۆهەڵاتی ناوەراست.

بەپێی راپۆرتی ئەنجومەنەکە، چەند وێنەیەک کە لە رێگەی مانگی دەستکردوە گیراوە ئەوە دەردەخات، ئێران لە رێگەی خاڵە سنوریەکانی ئەلبوکەمال- قاسمەوە نەوت و چەک بە قاچاخ دەباتە دەرەوە.

ئەو ناوچانە لە ماوەی حەوت ساڵی جەنگی ناوخۆی سوریادا بە شێوەیەکی گشتی لەژێر کۆنترۆلی هێزە ئێرانیەکان و گروپە هاوپەیمانەکانیدا بون، ساڵی رابردو بەهۆی بۆردومانی بەردەوامی فرۆکە جەنگیەکان رێگاکانی بە قاچاخبردنی نەوت و چەک خاپور بوبون.
Iran Regime Building New Crossing on Syria Border to Smuggle Weapons and Oil
پێگەی ئەلکترۆنی(ISI) کە پێگەیەکی تایبەتە بە وێنەی مانگی دەستکرد هەواڵگری، چەند وێنەیەکی نوێی بڵاوکردوەتەوە، ئەوە دەردەکەوێت کە هێزە ئێرانیەکان ئەو رێگایانە نۆژەن دەکەنەوە و رێڕوی نوێی قاچاخ دروستدەکەن.


Copyright © 2016 Xendan.org all rights reserved

designed and developed by AVESTA GROUP