نەتەوە یەکگرتوەکان: رێگری حوسییەکانی یەمەن ژیانی ملیۆنان هاوڵاتی دەخاتە مەترسییەوە

- 5/22/2019 5:36:00 PM 1258 جار خوێندراوەتەوە

خەندان-
نەتەوە یەکگرتوەکان سکاڵا لە رەفتاری حوسییەکانی یەمەن کرد و رایگەیان رێگریی لەگەیاندنی هاوکارییە مرۆییەکان دەکەن و ئەوەش ژیانی ملیۆنان هاولاتی دەخاتە مەترسییەوە.

بەپێی هەوالێکی بی بی سی نیوز، دێڤد بیسلی سەرۆکی پرۆگرامی خۆراکی جیهانی رایگەیاندوە حوسییە یاخییەکانی یەمەن بەردەوام رێگری لەگەیاندنی هاوکارییە مرۆییەکانی نەتەوە یەکگرتوەکان دەکەن، ئەوەش گرفتی گەورە بۆ 12 ملیۆن هاوڵاتی ئەو وڵاتە دروستدەکەن کە لەسەدا 40 یان لەقەیرانی قوڵی پێداویستییە سەرەتاییەکانی ژیاندان و لەلێواری مەرگ نزیکبونەتەوە.
داوای لەسەرکردەی حوسییەکان کرد رێگەبدەن بەرنامەی گەیاندنی یارمەتییە مرۆییەکان جێبەجێ بکەن

رۆژی دوشەممەی رابردو پرۆگرامەکە هەڕەشەی گەیاندنی هاوکارییەکانی کرد و ئەمڕۆ سەرۆکی ئەو پرۆگرامە خۆراکییەی سەربە نەتەوە یەکگرتوەکان داوای لەسەرکردەی حوسییەکان کرد رێگەبدەن بەرنامەی گەیاندنی یارمەتییە مرۆییەکان جێبەجێ بکەن.
رەفتاری حوسییەکان بەتەواوەتی پێچەوانەی بنەما نێودەوڵەتییەکانە

بیسلی راشیگەیاندوە " رەفتاری حوسییەکان بەتەواوەتی پێچەوانەی بنەما نێودەوڵەتییەکانە، لەبەرئەوەی خەڵکی بێتاوان بەدەست کەمی خۆراک و دزی و گەندەڵییەوە دەناڵێنن."  

بەپێی زانیاری نەتەوە یەکگرتوەکان لەساڵی 2015 ەوە کە شەڕو ناکۆکی نێوان لایەنەکانی یەمەن دەستیپێکردوە، زیاتر لە حەوت هەزار هاوڵاتی کوژراون و لەسەدا 65 ی کوژراوەکانیش بەهۆی هێرشی ئاسمانی هێزەکانی سعودییەوە بوە.

نیشانەکردن :

#یه‌مه‌ن

Copyright © 2016 Xendan.org all rights reserved

designed and developed by AVESTA GROUP